Kóktemgi sý tasqyny: Elordada 30-dan astam oryn daıyndaldy
NUR-SULTAN. QazAqparat - QR Іshki ister mınıstrligi jergilikti atqarýshy organdarmen birlesip, halyqty qaýipsiz jerge kóshirýge daıyn. Bul týraly Tótenshe jaǵdaılar komıteti Azamattyq qorǵanys basqarmasynyń aǵa ofıtseri Ersultan Turmahanov aıtty, dep habarlaıdy QazAqparat tilshisi.
«Sý tasqyny bola qalǵan jaǵdaıda QR Іshki ister mınıstrligi jergilikti atqarýshy organdarmen birlesip, halyqty qaýipsiz jerge kóshirýge daıyn. Aldyn ala josparlarǵa sáıkes evakýatsııalyq baǵyttar belgilengen. Mysaly, Nur-Sultan qalasynda halyqty ýaqytsha ornalastyratyn 30-dan astam oryn belgilengen. Ol oryndar halyqty kóp kólemde syıdyra alatyn mektep sııaqty mekemelerde ornalasqan», - deıdi E.Turmahanov.
Eske sala ketsek, buǵan deıin Nur-Sultan qalasy boıynsha sý basý qaýpi bar 37 oryn bar ekenin jáne ol jerlerde 5400-den astam halyq turatyny týraly jazǵan bolatynbyz.
