Kóktemgi sý tasqyny bastalǵaly beri bes adam sýǵa ketti - mınıstr Qasymov
ASTANA. QazAqparat - QR Іshki ister mınıstri Qalmuxambet Qasymovtyń aıtýynsha, aldaǵy ýaqytta Soltústik Qazaqstan jáne Qostanaı oblystarynda sý tasqynynyń qaýpi kúsheıedi.
Sol sebepti qutqarý qyzmetteriniń basym bóligi sol jaqqa aýystyrylyp jatyr, dep xabarlaıdy QazAqparat tilshisi.
"Sońǵy kezderi Qaraǵandy oblysyndaǵy jaǵdaı kúrt qıyndap ketti. Osy ýaqytqa deıin jeti eldi mekende 33 úıge sý kirdi. 397 adam qaýipsiz jerge kóshirildi. Búginde biraz úılerden sý shyǵaryldy. 361 adam qaıta úılerine oraldy", - dedi mınıstr Úkimettiń búgingi otyrysynda.
Onyń aıtýynsha, respýblıka boıynsha 46 jol ýchaskesi sýdyń astynda qaldy. Sonyń ishinde 43 - avtomobıl joly, 3-ýi - temirjol. "Temirjol jelisi jóndeldi, poıyz qatynasy júrip jatyr. Avtomobıl joldarynyń biraz bóliginde de kólik qozǵalysy qaıta ashyldy. Ázirshe, 11 ýchaskede apattyq sharalar atqaralyp jatyr. Ókinishke qaraı, adam shyǵyny boldy. Qaraǵandy oblysynda sý basqan jolmen kele jatqan ÝAZ kóligin aýdarylyp ketti. 11 adam óz kúshimen aman qaldy. Úsh adam sýǵa batyp ketti. Dál osy jerde qaýipsizdik sharalaryn saqtamaǵan taǵy eki adam ózennen atpen ótemiz dep sýǵa ketti.
