Kóktemgi egistik jumystaryna satylatyn janar-jaǵar maıdyń baǵasy ózgermeıdi - AShM

ASTANA. 22 qańtar. QazAqparat - Bıyl kóktemgi egistik jumystary barysynda satylatyn janar-jaǵar maıdyń baǵasy ótken jylmen birdeı bolady.

Bul týraly búgin QR Aýyl sharýashylyǵy vıtse-mınıstri Múslim Ómirııaev málim etti.

Onyń habarlaýynsha, aýyl sharýashylyǵy ónim óndirýshileri úshin dızel otynynyń baǵasy 81 teńge (1 lıtri) kóleminde anyqtalyp otyr. «Demek, munaı óńdeý zaýytynda bir tonna janar-jaǵar maıdyń baǵasy 86,4 myń teńge bolmaq. Bul ótken jyldyń kúzgi kezeńimen birdeı», - deıdi M.Ómirııaev.

Qazirgi kezde mınıstrlik jergilikti ákimdiktermen birlese otyryp, kóktemgi egistik jumystaryna qajetti janar-jaǵar maıdy tasymaldaý jáne satý kestesin bekitti. Onyń jalpy kólemi - 360 tonna.