Kóktemgi egistik jumystaryn júrgizý úshin dızel otynynyń lıtri 79 teńgeden satylady - QR EM

ASTANA. QazAqparat - Qazaqstan Respýblıkasy Energetıka mınıstrliginiń jáne Qazaqstan Respýblıkasy Aýyl sharýashylyǵy mınıstrliginiń kelisilgen sheshimimen Qazaqstannyń aýyl sharýashylyǵy taýaryn óndirýshiler úshin 2016 jyldyń kóktemgi egistik jumystary úshin dızel otynynyń usynylǵan baǵasy tonnasyna 95 421 teńgeni quraıdy (FCA sharty boıynsha - zaýytta), ıaǵnı 1 lıtrine 79 teńge, bólshek saýdada lıtri 99 teńge bolady.

Oblystar boıynsha 2016 jyldyń Aýyl sharýashylyǵy taýaryn óndirýshileriniń kóktemgi egistik jumystary úshin dızel otynynyń suranysy 366,8 myń tonnany quraıdy.

Aǵymdaǵy jyldyń kóktemgi egistik jáne astyq jınaý jumystaryn júrgizý úshin respýblıkalyq bıýdjetten 60 mlrd. teńge bólindi.
Eń aldymen aýyl sharýashylyǵy taýaryn óndirýshiler úshin arzandatylǵan dızel otynyn berý zańnamalyq turǵyda bekitildi. Atap aıtqanda, «Munaı ónimderiniń jekelegen túrlerin óndirýdi jáne olardyń aınalymyn memlekettik retteý týraly» QR Zańynyń 7-babynyń 4-tarmaǵyna sáıkes Energetıka mınıstrligi kóktemgi egis pen jıyn-terin jumystaryn jáne jylý berý kezeńin eskere otyryp, jyl saıyn munaı ónimderin óndirýshilerdiń tehnologııalyq qondyrǵylarynyń josparly-aldyn alý jumystarynyń kestelerin bekitedi. Sonymen qatar, joǵaryda atalǵan QR Zańynyń 24 babynyń 4-tarmaǵyna sáıkes, munaı ónimderin kóterme saýda arqyly berýshiler jáne munaı ónimderin bólshek saýda arqyly ótkizýshiler jyl saıyn, munaı ónimderin ótkizý kezinde 1 naýryz - 31 mamyr jáne 1 tamyz - 31 qazan aralyǵy kezeńinde - aýyl sharýashylyǵy ónimderin óndirýshilerge basymdyq berýge mindetti.
Dızel otynyn berýdi baqylaý táýlik saıyn júrgiziledi.

Osylaısha, Qazaqstan Respýblıkasynyń Úkimeti 2016 jyldyń egistik jumystaryn turaqty júrgizý úshin tıisti sharalardyń barlyǵyn qabyldady, dep habarlaıdy QR Energetıka mınıstrliginiń baspasóz qyzmeti.