Kóktemgi egiske daıyndyq: Mınıstrlik mıneraldy tyńaıtqyshtar baǵasyn tómendetedi
QR Prezıdentiniń tapsyrmasyna sáıkes Úkimet kóktemgi egis jumystar sapasyna kóńil bólip, fermerler úshin barynsha jaǵdaı jasaıtyn bolady. Bul rette 400 myń tonna shamasynda dızel janarmaıy bólinip, sharýalar tuqymmen qamtamasyz etilgen. Tehnıka daıyndyǵy 95% deńgeıinde (egis jumysy bastalarda 100% bolady), jalpy somasyn 140 mlrd teńgege deıin jetkize otyryp, qarjylandyrý kólemin 70 mlrd teńgege ulǵaıtý máselesi pysyqtalyp jatyr. Al «Azyq-túlik kelisim shart korporatsııasy» UK» AQ forvardtyq satyp alý baǵdarlamasy boıynsha qarjylandyrýǵa 80 mlrd teńge bólmek, bul ótken jylǵy deńgeıden 2 ese kóp.
Aıta ketý kerek, bıyl agroónerkásip keshenin memlekettik qoldaý júıesi ózgerissiz qalady, bul fermerlerge qosymsha qıyndyqtarsyz egis jumystaryn bastaýǵa múmkindik beredi.
Sondaı-aq, 29,7 mlrd teńge kóleminde pestıtsıdterdi sýbsıdııalaý qamtamasyz etilmek. Bul egis alańyn 100% óńdeýge múmkindik beredi. Shamamen 659 myń tonna tyńaıtqysh berý josparlanyp otyr.
Tyńaıtqyshtardyń quny túpkilikti ónimniń baǵasyna, sondaı-aq jalpy satyp alý qabiletine áser etetinin eskere otyryp, Aýyl sharýashylyǵy mınıstrligi Indýstrııa jáne ınfraqurylymdyq damý mınıstrligimen birlesip mıneraldy tyńaıtqyshtardyń baǵasyn tómendetýdi qarastyryp jatyr.
Atap aıtqanda, Premer-Mınıstrdiń birinshi orynbasary R. Sklıardyń tóraǵalyǵymen ótken keńeste taraptar otandyq ammıak selıtrasynyń baǵasyn bıylǵy 16 naýryzdan bastap 200 myńnan 160 myń teńgege deıin tómendetý týraly sheshimge keldi. Jalpy s apaly egis naýqanyna daıyndyq máseleleri erekshe baqylaýda.
