Kóktemgi egiske bólinetin otyn naryqtaǵydan qanshaǵa arzan
«Aǵymdaǵy jyly dıqandardyń kóktemgi dala jumystaryna arnalǵan dızel otynyna degen qajettiligi 370 myń tonnany quraıdy. Energetıka mınıstrligimen birlesip, aǵymdaǵy jylǵy aqpan-maýsym aılary kezeńine óńirlerge dızel otynyn jetkizý kestesi bekitildi. Energetıka mınıstrligi munaı óńdeý zaýyttarynan shyǵarý baǵasyn lıtrine 130 teńgeden, tonnasyna 156 myń teńgeden belgiledi. Bul rette operatorlardyń jetkizýin eskersek, óńirlerdegi ortasha baǵa lıtrine 146 teńgeni quraıdy. Ol naryqtaǵy baǵadan, (janarmaı quıý stantsııalarynda lıtrine 165 teńgeden) 13 paıyzǵa arzan», - dedi ol.
Birinshi vıtse-mınıstrdiń aıtýynsha, qazirgi kezde oblystardyń operatorlary resýrs ustaýshylarmen shart jasasý jáne naýryz aıynyń kólemderine aqy tóleý rásimin aıaqtaý ústinde. Óńirlerge dızel otynynyń 50 paıyzdan astamy tıep-jóneltildi.
«Sonymen qatar, atap ótkim kelgen jaıt, oblystardy munaı óńdeý zaýytyna bekitip berý kestesine qaramastan, resýrs ustaýshy «Petroprox» jaýapkershiligi shekteýli seriktestigi tarapynan Almaty oblysynyń operatorlaryna aqpan-naýryz aılary úshin 3,7 myń tonna dızel otynyn jetkizý máselesin Energetıka mınıstrligi sheshken joq. Atalǵan resýrs ustaýshy Energetıka mınıstrligi tarapynan bıylǵy jyly alǵash ret bekitip berý kestesine engizildi jáne aqpan aıy úshin 1,9 myń tonna dızel otynyn jetkizý mindettemesin oryndamady deýge bolady. Naýryz aıy boıynsha 1,8 myń tonna mindettemeniń de oryndalmaý qaýpi bar. Eger, resýrs ustaýshysy «Petroprox» jaýapkershiligi shekteýli seriktestigi mindettemelerin oryndamaıtyn bolsa, Energetıka mınıstrliginen jumys tájirıbesi bar adal resýrs ustaýshylarǵa bekitip bere otyryp, kórsetilgen otyn kólemin mamyr aıyna qaıta bólý máselesin qarastyrýdy suraımyz. Atalǵan másele Almaty oblysynyń ákimdigimen kelisildi», - dedi Arman Evnıev.