Kóktemgi egiske 380 myń tonna janar-jaǵarmaı bólindi
TÚRKІSTAN. QazAqparat - Energetıka mınıstrliginiń maquldaýymen bıyl egin salý jumystaryna 380 myń tonna janar-jaǵarmaı bólindi (2018 jyly 375 myń tonna). Bul týraly búgin Ortalyq kommýnıkatsııalar qyzmetiniń Túrkistan oblysynda ótken kóshpeli baspasóz máslıhatynda aıtyldy, dep habarlaıdy QazAqparat tilshisi.
«Egistik alqabynyń keńeıýine baılanysty aımaqtarǵa qosymsha 5 myń tonna janar-jaǵarmaı bólindi. Energetıka mınıstrliginiń maquldaýymen osy jyldyń naýryz jáne maýsym aılarynda otyndy aımaqtarǵa jetkizý kestesi jasaldy. 2016 jyly janar-jaǵarmaı baǵalaryna memlekettik retteýdiń alynyp tastalǵanyn eskere otyryp, Energetıka mınıstrligi resýrs ustaýshylarmen jyl saıyn naryqqa saı bekitilgen bólshekti baǵany belgileıdi», - dedi Túrkistan oblysynyń aýyl sharýashylyǵy basqarmasynyń basshysy Nurbek Badyraqov.
Onyń aıtýyna qaraǵanda, Energetıka mınıstrligi MÓZ-den bosatylatyn janar-jaǵarmaıdyń 1 lıtriniń qunyn 160 teńge (193 myń tonnanyń) kóleminde belgilegen. Jetkizilý shyǵyny eskerile otyryp, óńirlerde onyń lıtri 176 teńge bolatyny boljanýda. Bul, naryqtaǵy baǵadan 10 paıyzǵa arzan ekenin aıta ketý kerek.
Nurbek Badyraqov óz sózinde oblys ákimdikteri qazirge deıin janar-jaǵarmaı boıynsha operatorlardy belgilep qoıǵanyn málim etti.
Jospar boıynsha naýryz aıynda 111 myń tonnanyń kelisimi bekitilip qoıǵan. 107,2 myń tonnanyń aqshasy tólengen. 70,1 myń tonna janar-jaǵarmaı tıelgen.
