Kóktemgi egis jumystaryna arzandatylǵan dızel otyny 92 teńgeni quraıdy

ASTANA. QazAqparat - Bıyl kóktemgi egis naýqanyn júrgizýge aýyl sharýshylyǵy taýarlaryn óndirýshiler úshin arzandatylǵan 1 lıtr dızel otynynyń quny 92 teńge bolady.

Bul týraly búgin Ortalyq kommýnıkatsııalar qyzmetindegi baspasóz máslıhatynda Ósimdik sharýashylyǵy ónimderin óndirý men qaıta óńdeý departamentiniń dırektory  Ajar Qadjybekova málim etti.

2016 jylǵy kóktemgi egis jumystaryn júrgizýge aýyl sharýashylyǵy taýarlaryn óndirýshilerge qajetti dızel otynynyń kólemi shamamen 367 myń tonnany quraıtynyn jetkizgen ol, «óńirlerde dızel otynynyń ortasha quny 1 lıtrine 92 teńgeni quraıdy, al onyń naryqtyq baǵasy 99 teńge deńgeıinde,-dedi.

QR AShM málimetine qaraǵanda, naýryz-sáýir aılarynda 185 myń tonna dızel otynyn jetkizý josparlanǵan. 4 sáýirdegi jaǵdaı boıynsha oblystardaǵy operatorlar 51 myń tonna otynǵa tólem jasaǵan eken.