Kóktemgi egis jumystaryn júrgizýge 413 myń tonna dızel otyny bólinedi
Dızel otynynyń tapshylyǵyn, sondaı-aq munaı óńdeý zaýyttarynyń birkelki júktemesin boldyrmaý úshin dızel otynyn jetkizý aqpan aıynan bastap keste boıynsha birkelki júrgiziledi.
Energetıka mınıstrligi aqpan aıyna dızel otynynyń kepildik berilgen kóleminiń qunyn MÓZ-den tonnasyna 222 myń teńge deńgeıinde aıqyndady. Jetkizý boıynsha shyǵystardy eskere otyryp, qazaqstandyq sharýalar úshin janarmaıdyń túpkilikti quny janarmaı quıý stantsııalarynyń naryqtyq baǵasynan 15-20%-ǵa arzan bolady dep kútilip otyr.
Dızel otynyn jetkizý kezeńinde Aýyl sharýashylyǵy mınıstrligi Energetıka mınıstrligimen birlesip, óńirlerge MÓZ-den jóneltý kestesiniń saqtalýyna kúndelikti monıtorıng júrgizetin bolady.
2023 jyly oblys ákimdikteriniń derekterine sáıkes, boljamdy egis alqaptary byltyrǵy kórsetkishtermen birdeı bolady jáne 23 mln gektardan asady. Aldyn ala kem degende 18 myń ga qant qyzylshasymen sebiledi. Sondaı-aq kókónis, baqsha jáne kúrish daqyldarynyń ósýi kútilýde.
