Kóktemgi egis jumystary úshin sharýalarǵa 8 mlrd. teńge bólindi
Bul týraly kompanııanyń baspasóz qyzmetinen habarlandy.
Atap aıtqanda, Azyq-túlik kelisim shart korporatsııasy bıýdjettik nesıe qarajaty esebinen agroónerkásip kesheni sýbektilerin qoldaý is-sharalaryna arnalǵan baǵdarlamany jalǵastyrýda. Baǵdarlama aıasynda aǵymdaǵy jyldyń 13 mamyryna deıin korporatsııaǵa aýyl sharýashylyǵy taýarlaryn óndirýshilerden jalpy somasy 10,1 mlrd. teńgege 1 622 ótinim kelip túsken. Olardyń ishinde 9,4 mlrd. teńgeniń 1 468 ótinimi maquldanyp, 8 mlrd. teńgeni quraıtyn 1 183 ótinim qarjylandyryldy.
«Budan bólek, Ekonomıkany jańǵyrtý jónindegi memlekettik komıssııanyń sheshimine sáıkes Azyq-túlik kelisim shart korporatsııasy 1 gektar egis alańyna 6 000 teńgege kóktemgi-jazǵy qarjylandyrý arqyly aýyl sharýashylyǵy taýarlaryn óndirýshilerden bıdaı men arpany jolmen satyp alýdy júzege asyryp jatyr. Bulaısha qarjylandyrýdyń jalpy somasy 13 mlrd. teńgeni quraıdy. Taýar óndirýshilerdiń mindettemelerin oryndaýy tıisti astyq kólemin jetkizý nemese aqshalaı qarajatty qaıtarý arqyly júzege asyrylatyn bolady. Qarjy bólinetin taýar óndirýshilerdiń tizimin oblystyq ákimdikterdiń janyndaǵy Úılestirý keńesteri jasaıtynyn atap aıtý kerek. Osy tizimge engizilgen aýyl sharýashylyǵy taýarlaryn óndirýshilerdiń baǵdarlamaǵa qatysý týraly ótinimderi Azyq-túlik kelisim shart korporatsııasynyń oblystyq ókildikterinde qabyldanady», - delingen baspasóz baıanynda.
