Kóktemgi egis naýqanynda jeńildikti jaǵarmaı baǵasy 13 paıyzǵa tómen bolady - A. Mamytbekov
ASTANA. 2 sáýir. QazAqparat - Bıylǵy kóktemgi egis jumystaryna bólinetin jeńildikti baǵadaǵy dızel otynynyń kólemi 360 myń tonnany qurady.
Bul týraly Úkimet otyrysynda kóktemgi egis naýqany boıynsha baıandama jasaǵan QR Aýyl sharýashylyǵy mınıstri Asyljan Mamytbekov málim etti.
Mınıstrdiń aıtýynsha, qazirgi kezde bekitilgen baǵamen jaǵarmaıdy jetkizý jumystary júrip jatyr. Tasymaldaý men operatorlardyń shyǵyndaryn esepteı kele, sharýalar úshin jaǵarmaı ortasha eseppen lıtrine 90 teńgeni quramaq. Bul óz kezeginde ortasha naryqtyq qunynan 11-13 paıyzǵa tómen.
27 naýryzdaǵy jaǵdaı boıynsha 49,5 myń tonna kólemindegi arzandatylǵan dızel otyny jiberildi.
Sóz sońynda vedomstvo basshysy jergilikti jerlerdiń jeńildikti dızel otynynyń qunyn ýaqytynda tóleý boıynsha jumystardy baqylaýda ustaý máselesin atap ótti.
