Kóktemgi egis naýqanynda tuqym tapshylyǵy 30 myń tonnadan asyp otyr - Aýyl sharýashylyǵy mınıstri
ASTANA. 2 sáýir. QazAqparat - Kóktemgi egis naýqanynda tuqym tapshylyǵy 30 myń tonnadan asyp otyr.
Úkimet otyrysynda kóktemgi egis naýqany boıynsha baıandama jasaǵan QR Aýyl sharýashylyǵy mınıstri Asyljan Mamytbekov osylaı málim etti.
Oblystardyń málimetterine qaraǵanda, tuqymmen qamtamasyz etilý deńgeıi 98,9 paıyzdy quraǵan. «Tuqym tapshylyǵy 32,4 myń tonna kóleminde. Onyń ishinde Aqtóbe oblysynda 8,3 myń tonna, Batys Qazaqstan oblysynda 4,8 myń tonna jáne Qostanaı oblysynda 19,3 tonna jetispeıdi»,-dedi mınıstr.
Atap aıtqanda, 9,3 myń tonna kólemindegi tuqym bul oblystardyń resýrstary esebinen tolyqtyrylady. Al, qalǵan 23,1 myń tonna memlekettik tuqym resýrstarynan qamtamasyz etilmek.
Qazirgi kezde Azyq-túlik korporatsııasyna aýyl sharýashylyǵy taýarlaryn óndirýshiler tarapynan 21 myń tonna kólemindegi tuqymdy memlekettik resýrstan bólý týraly 20 ótinim kelip túsken.
A. Mamytbekovtyń sózine qaraǵanda, búginde jergilikti jerlerde tuqymdardyń sapasyn tekserý jumystary jalǵasýda.
