Kóktemgi egis naýqanynda topyraqtyń ylǵal qory ońtaıly deńgeıde bolady
ASTANA. QazAqparat - «Qazgıdromet» málimetinshe, bıyl kóktemgi dala jumystaryn júrgizý merziminde topyraqtyń ylǵal qory qanaǵattanarlyq jáne ońtaıly deńgeıde bolady.
Bul týraly Astanada kóktemgi egis jumystaryna arnalǵan brıfıngte «Qazgıdromet» AQ Agrometeorologııalyq boljaý basqarmasynyń basshysy Erbolat Muqanov málim etti.
Ǵalymdardyń baǵalaýynsha, 2014-2015 aýyl sharýashylyǵy jylynyń basy elimizdiń negizgi astyq sebetin aımaqtar úshin qolaıly bolady. Shilde aıyndaǵy jaýyn-shashynnan keıin topyraqtyń kúzdik ylǵaly mol boldy, sonymen qatar qysta jetkilikti mólsherde qar tústi. Osy oraıda QR AShM jınalǵan ylǵaldy saqtaý men ony tıimdi paıdalaný kóktemgi dala jumystaryn atqarý kezinde mańyzdy mindetterdiń biri retinde aıqyndalǵanyn atap ótýde.
Budan buryn habarlanǵandaı, 2015 jyly aýyl sharýashylyǵy daqyldary 21,5 mln. gektar alqapqa ornalastyrylmaq. Dándi daqyldar 15,2 mln. gektarǵa, onyń ishinde 2,2 mln. gektary maıly daqyldar, 3,7 mln. gektarǵa - jem-shóp, sondaı-aq 413 myń gektarǵa kókónis daqyldary men kartop egiledi.
