Kóktemgi egis naýqanynda dıqandar jeńildikti janarmaıdy 12 paıyzǵa tómen baǵamen alatyn bolady
ASTANA. 15 naýryz. QazAqparat - Aýyl sharýashylyǵy taýarlaryn óndirýshilerge kóktemgi egis naýqanynda jetkiziletin jeńildikti janarmaıdyń baǵasy 12 paıyzǵa tómen bolady.
Bul týraly búgin Úkimettegi selektorlyq keńes barysynda Aýyl sharýashylyǵy mınıstri Asyljan Mamytbekov málim etti.
«Aýyl sharýashylyǵy taýarlaryn óndirýshiler úshin 360 myń tonna jeńildikti jaǵarmaı bólindi. Onyń quny naryqtyq baǵaǵa qaraǵanda 10-12 paıyzǵa tómen bolady»,-dedi mınıstr.
A. Mamytbekovtiń sózinshe, aýyl sharýashylyǵy men munaı jáne gaz mınıstrlikteri birlese dızel otynyn jetkizý boıynsha kesteni qarastyrdy. Osyndaı keste ótken jyly da iske asyrylǵan edi.
«Bıyl bul jumystar jaqsy deńgeıde iske asyrylýda. Búginde osy aıǵa josparlanǵan 91 myń tonna jaǵarmaıdyń 13 naýryzdaǵy jaǵdaıy boıynsha 32 myń tonnasynyń quny tómendi. Al, aýyl sharýashylyǵy taýarlaryn óndirýshilerge 14,8 myń tonnasy jetkizildi»,-dep atap ótti vedomstvo basshysy.
