Kóktemgi egis naýqanyna jeńildikti baǵamen jetkiziletin jaǵarmaı týraly tıisti sheshim shyǵaryldy - A. Mamytbekov
ASTANA. 14 aqpan. QazAqparat - Memlekettik komıssııa otyrysynda kóktemgi egis naýqanyna jeńildikti baǵamen jetkiziletin jaǵarmaı týraly sheshim shyǵaryldy.
Bul jaıynda búgin óziniń Tvıtterinde QR Aýyl sharýashylyǵy mınıstri Asyljan Mamytbekov málim etti.
«Memlekettik komıssııada kóktemgi egis jumystaryna aýyl sharýashylyǵy taýaryn óndirýshiler úshin 360 myń tonna janar-jaǵarmaıdy jeńildikti baǵamen (1 tonnasyna 86,7 myń teńge) jetkizý sheshimi jasaldy», -delingen onda.
Aıta keteıik, Qazaqstanda kóktemgi egis jáne kúzgi egin oraǵy jumystaryna arnalyp jyl saıyn aýyl sharýashylyǵy taýarlaryn óndirýshiler úshin jaǵarmaı dástúrli túrde jeńildikti baǵamen jetkiziledi.
