Kóktemgi egis naýqanyna tehnıkanyń daıyndyq deńgeıi qandaı
2020 jylǵy 1 qańtardaǵy jaǵdaı boıynsha respýblıkanyń agroónerkásiptik kesheninde 143 myń traktor, 4 myń ónimdiligi joǵary egis kesheni, 78 myń tuqymsepkish jáne 243 myń topyraq óńdeý quraly bar.
«Oblys ákimdikteriniń derekterine sáıkes, 15 naýryzdaǵy jaǵdaı boıynsha bıylǵy kóktemgi dala jumystaryn júrgizýge traktorlardyń daıyndyǵy 94 paıyzdy, egis keshenderiniń daıyndyǵy 100 paıyzdy, tuqymsepkishterdiń daıyndyǵy 93 paıyzdy, topyraq óńdeý quraldarynyń daıyndyǵy 95 paıyzdy qurady», - dedi Saparhan Omarov.
Osy oraıda ol jumystardy bastaıtyn kezeńinde tehnıka daıyndyǵy 100 paıyzdy quraıtynyn atap ótti.
«Aýyl sharýashylyǵy taýaryn óndirýshilerdiń jumysynda uzaq kidiristerdi boldyrmaý maqsatynda jóndeý brıgadalary qalyptastyrylady. Servıstik kompanııalarmen olardyń kóshpeli servısin kúsheıtý, sondaı-aq qoımalardy qajetti qosalqy bólshektermen toltyrý boıynsha tıisti jumystar júrgizildi», - dedi mınıstr.
Budan buryn habarlanǵandaı, bıyl aýyl sharýashylyǵy daqyldary 22,5 mln gektar alańǵa egiledi.