Kóktemgi egis naýqanyna oraı dıqandarǵa arnalǵan jaǵarmaıdyń 84 paıyzynyń quny tólendi
ASTANA. 15 mamyr. QazAqparat - Kóktemgi egis naýqany aıasynda aýyl sharýashylyǵy taýaryn óndirýshilerge arnalǵan jaǵarmaıdyń 84 paıyzynyń quny tólendi.
Bul týraly búgin selektorlyq rejimdegi Úkimet otyrysynda QR Aýyl sharýashylyǵy mınıstri Asyljan Mamytbekov málim etti.
Onyń sózine qaraǵanda, bıyl aýyl sharýashylyǵy taýaryn óndirýshilerdi dızel otynymen qamtamasyz etý máselesi ýaqtyly qarastyryldy. Úkimet aqpannyń basynda osy turǵydaǵy barlyq máselelerdi sheship, aqpanda bekitilgen jeńildikti baǵamen jaǵarmaı jetkizilimderi bastaldy. Bul dızel otynynyń baǵasy naryq qunynan 10-12 paıyzǵa tómen. Munaı óńdeý zaýyttarynyń qashyqtyǵyna baılanysty shamamen dızel otynynyń 1 lıtriniń baǵasy 81-83 teńgeni quraıdy.
«14 mamyrdaǵy jaǵdaı boıynsha kóktemgi egis naýqanyna josparlanǵan 360 myń tonnanyń 303 myń tonnasynyń qunyn oblystaǵy operatorlar tóledi. Bul 84 paıyzdy qamtyp otyr»,-dedi mınıstr.
Osy oraıda ol munaı óńdeý zaýyttarynan búginde jaǵarmaıdyń 76 paıyzy jóneltilgenin jetkizdi. Dızel otynynyń jetkizý qarqyny ótken jylǵa qaraǵanda 20 paıyzǵa joǵary bolyp otyr.
