Kóktemgi egis naýqanyna oraı aýylsharýashylyq ónimderin óndirýshilerge búginde 106,2 myń tonna janar-jaǵarmaı jetkizildi
ASTANA. 20 sáýir. QazAqparat /Rýslan Ǵabbasov/ - Kóktemgi egis naýqanyna baılanysty aýylsharýashylyq ónimderin óndirýshilerge búginde 106,2 myń tonna janar-jaǵarmaı jetkizildi.
Bul týraly búgin selektorlyq rejımdegi Úkimet otyrysynda Aýyl sharýashylyǵy mınıstri Asyljan Mamytbekov málimdedi.
Onyń sózine qaraǵanda, aýylsharýashylyq ónimderin óndirýshilerdi arzandatylǵan dızel otynymen kepildik kóleminde qamtamasyz etýdiń tıisti máseleleri qaraldy.
«Atap aıtqanda, búginde 106,2 myń tonna janar-jaǵarmaı jetkizildi. Bul josparlaǵan kórsetkishtiń 50 paıyzy»,-dedi A. Mamytbekov.
Vedomstvo basshysynyń málimetine sensek, aýylsharýashylyq ónimderin óndirýshilerdiń dızeldik otynmen qamtamasyz etýge qajetti kólem 183 myń tonnany, benzın - 34 myń tonnany, sondaı-aq dızel maıy 14 myń tonnany quraıdy.
