Kóktemgi dala jumystaryna 395 myń tonna dızel otyny bólindi
«Kóktemgi dala jumystaryn ýaqtyly júrgizý úshin aqpan-maýsym aılary mezgiline 395 myń tonna dızel otyny bólindi. 26 mamyrdaǵy jaǵdaı boıynsha bekitilgen keste boıynsha 314 myń tonna nemese barlyq kólemniń 80 paıyzyn jetkizý boıynsha sharttar jasaldy, onyń ishinde óńirlerge 259 myń tonnasy tıelip, jóneltildi», - dedi mınıstr.
Óz kezeginde Energetıka mınıstri Nurlan Noǵaev kóktemgi egistik jumystaryn júrgizýge tómendetilgen baǵamen dızel otynymen qamtamasyz etý jónindegi tapsyrmaǵa sáıkes, tıisti kestedegi sharalar iske asyrylyp jatqanyn jetkizdi.
«Qazirgi kezde bólingen dızel otynynyń 63 paıyzy oblystarǵa arzandatylǵan baǵamen jóneltildi. Bul baǵyttaǵy jumystarda eshqandaı kedergiler joq», - dedi N. Noǵaev.
Budan bólek S. Omarov aýyl sharýashylyǵy qurlymdarynda kóktemgi dala jumystaryn júrgizý úshin aýyl sharýashylyǵy tehnıkasynyń qajetti sany bar ekenin aıtty.
«Jyl saıyn mashına-traktor parkin jańartý boıynsha jáne egis tehnıkasynyń zamanaýı túrlerin satyp alý boıynsha jumystar júrgiziledi. Mınıstrlik oblystar ákimdikterimen birlesip, karantındik rejımniń qoldanylý ýaqytynda servıstik qyzmetterdiń, sondaı-aq jóndeý brıgadalarynyń kedergisiz qozǵalýyna qatysty barlyq máselelerdi pysyqtaǵanyn atap ótkim keledi», - dedi Aýyl sharýashylyǵy mınıstri.