Kóktemgi áskerge shaqyrý naýqany bastaldy

ASTANA. QazAqparat - Búgin, 2014 jylǵy 1 sáýirde Qazaqstan Respýblıkasynda kóktemgi merzimdi áskerı qyzmetke shaqyrý naýqany bastaldy, dep habarlaıdy QR Qorǵanys mınıstrliginiń baspasóz qyzmetinen.

Bıyl kóktemde Qazaqstan Respýblıkasynyń Qarýly Kúshterine, basqa da áskerleri men áskerı qurylymdaryna 11 myńnan astam adam áskerge shaqyrylatyn bolady. Qorǵanys mınıstrligi úsh myńǵa jýyq jas býyndy Qarýly Kúshter qataryna shaqyrsa, qalǵandary Іshki áskerler men Shekara qyzmeti, Respýblıkalyq ulan, Tótenshe jaǵdaılar mınıstrligi áskerı bólimderine jiberiletin bolady.

Bıyl áskerı bólimderdi jasaqtaý tek aýmaqtan tys qaǵıdat boıynsha júzege asyrylatyn bolady. Іrikteý jáne áskerı bólimderge bólý kezinde áskerge shaqyrylýshylardyń mamandyǵy eskeriletin bolady. Naýqan 2014 jylǵy 27 maýsymda aıaqtalady.