Kóktemge qajet dızeldiń bir bóligin byltyrǵy qaldyqpen jaba alamyz – Energetıka mınıstri
ASTANA. KAZINFORM – Energetıka mınıstri Almasadam Sátqalıev Úkimet otyrysynda kóktemgi egis jumystaryna qajetti dızeldiń bir bóligin byltyrǵy qaldyqpen jabýǵa bolatynyn málim etti.
«Byltyr barlyǵy 845 myń tonnanyń 728-i nemese 86 paıyzy tıep-jóneltildi, myń tonna nemese 14 (on tórt) paıyzy talap etilmedi. Operatorlar 728 myń tonnanyń 688 myń tonnasyn satyp, 40 myń tonnasy satylmady. Olar óńirlik rezervýarlarda jatyr jáne bıyl kóktemgi dala jumystaryna paıdalanylýy múmkin», - dedi Almasadam Sátqalıev.
Onyń sózinshe, bıylǵy aqpan-naýryz aılarynda keste boıynsha 50,1 myń tonna dızel jetkizilý kerek bolǵan. Qazir sonyń 27 nemese 55 paıyzy jóneltilgen.
«Bul rette 14 naýryzda Aýyl sharýashylyǵy mınıstrligi kóktemgi dala jumystaryna 35,8 myń tonna dızel otynyn qosymsha jetkizýge ótinim jiberdi. 2023 jylǵy kúzgi-dala jumystary qaldyqtaryn eskere otyryp, Energetıka mınıstrligi Aýyl sharýashylyǵy mınıstrligimen birlesip aýyl sharýashylyǵy taýaryn óndirýshiler úshin dızel otynyn tıep-jóneltýdiń ońtaıly grafıgin aıqyndaıdy. Aýyl sharýashylyǵy taýaryn óndirýshiler atyna tıep-jóneltý basym negizde júzege asyrylady jáne turaqty baqylaýda bolady», - dedi mınıstr.
