Kóktemgi egis: BQO-da 336 myń gektar alqapta ylǵal jabyldy

BQO aýyl sharýashylyǵy basqarmasy basshysynyń orynbasary Berik Sıtqazıevtiń óńirlik kommýnıkatsııalar qyzmeti alańynda ótken brıfıngte málim etkenindeı, 336 myń gektar alqapta ylǵal jabylyp, 19,4 myń gektarǵa kýltıvatsııalaý júrgizildi.

Berik Maratulynyń sózine qaraǵanda, kúni búginge deıin 21 myń gektarǵa jazdyq daqyldar (5,5 paıyz) egilse, sonyń 14,3 myń gektary (7,3 paıyz) – dándi daqyldar, 2,9 myńy (2,4 paıyz) – maıly daqyldar, 3,7 myńy (6,3 paıyz) – mal azyqtyq daqyldar.

- Sońǵy eki-úsh kúnde aýa raıynyń jaýyn-shashyndy bolýyna baılanysty jumys baıaýlady. Qolaıly aýa raıy qalyptasqan sátte dala jumystary josparǵa sáıkes qaıta jandanatyn bolady. Bıyl kóktemgi dala jumystaryn júrgizýge 10,5 myń tonna dızel otyny bólinip, kestege sáıkes 2,5 myń tonnasy (21 paıyzy) Atyraý munaı óńdeý zaýytynan alyndy. Odan tasymaldaýshy operator retinde «Neftek» JShS anyqtaldy. Dızel otynynyń baǵasy lıtrine 270 teńgeden keledi, - dedi B.Sıtqazıev.

Onyń aıtýynsha, egistikke engiziletin tyńaıtqyshtar jetkizilip jatyr. Búginde otandyq zaýyttardan jáne tyńaıtqysh satýshylardan barlyǵy 12,9 myń tonna tyńaıtqysh (21,2 paıyz) satyp alyndy, kelisimshartqa otyrý jumystary jalǵasyp jatyr.

Kóktemgi egis pen egin orý jumystaryna dıqandardy barlyq qajetti resýrstarmen qamtamasyz etý maqsatynda bıyl ósimdik sharýashylyǵyn sýbsıdııalaý men qyzmetter kórsetýge jergilikti bıýdjetten 2,7 mlrd teńge bólindi (sonyń ishinde sýbsıdııalar – 1,93 mlrd).

Budan bólek, kóktemgi dala jáne egin orý jumystaryn nesıeleýge oblysqa «Agrarlyq nesıe korporatsııasy» AQ arqyly 12,9 mlrd teńge («Keń dala 2» - 10,9 mlrd. teńge, «Keń dala» – 2,0 mlrd. teńge) qaraldy. Búginde sharýalarǵa 5 paıyzben 8,6 mlrd teńge (67 paıyz) nesıe berildi, bunyń syrtynda 1,1 mlrd teńgege jýyq nesıeniń ótinimderi qaralýda. Ótinimder qabyldanyp jatyr.

«KazAgroQarjy» AQ arqyly jalpy somasy 6,5 mlrd teńgege (52 paıyz) 597 tehnıka lızıngke alyndy (bólingen qarajat 12,5 mlrd teńge).

Basqarma málimeti boıynsha bıyl barlyq egis alqaby 626 myń gektar bolsa, sonyń 289 myńy – dándi daqyldar. Munyń ishinde 93,6 myńy – kúzdik dándi daqyldar. Maıly daqyldar – 123 myń, kartop-kókónis-baqsha daqyldary – 4 myń, mal azyqtyq daqyldar – 210 myń gektar.

Eske sala keteıik, budan buryn Batys Qazaqstanda barlyq egis kólemi 626 myń gektar bolatynyn jazǵan edik.

Sondaı-aq BQO-da egistikke 60 900 tonna tyńaıtqysh engizý kózdelip otyr.