Kóktemde muzǵa shyǵý asa qaýipti - qutqarýshylar eskertý jasady

ÓSKEMEN. KAZINFORM – Shyǵys Qazaqstan oblysynyń qutqarýshylary óńir halqyna kóktemde muzǵa shyǵý qanshalyqty qaýipti ekendigin túsindirdi.

Kóktem shyǵyp, kún jylı bastaǵanda muzǵa shyǵý qaýipti bola túsedi. Sebebi erı túsken muz beriktigin joǵaltady.

- Eń negizgi qaýip - muzdyń birkelki erimeýi. Bir jaǵynan kún sáýlesi, jyly jel men aýa raıynyń jylynýy muzdyń juqarýyna ákeledi. Al keıbir jerlerde muz kerisinshe qalyń bolyp kórinedi. Al birneshe metrden keıin sol muz óte juqa bolyp ketýi múmkin. Mundaı muz syqyrlamastan lezde opyrylyp túsedi, - dep habarlady ShQO TJD.

Ásirese qaýipti jerler - ózen saǵalary, jaǵalaýlar, bulaq kózderi.

- Qaýipsizdik árqashan birinshi orynda bolýy kerek. Muzda serýendeımin dep ómirińizge qaýip tóndirmeńiz, - dep eskertti qutqarýshylar.

Eske salsaq, buǵan deıin Shyǵys Qazaqstan oblysynda jasandy jolmen qar kóshkini júrgizilgeni habarlanǵan.