Kóktemde Golovkın atyndaǵy sport kesheni ashylady
Atqarýshy bılik dene shynyqtyrý-saýyqtyrý keshenine WBC, WBA, IBF, IBO nusqasy boıynsha álem chempıony, kásipqoı boksshy Gennadıı Golovkınniń esimin berý týraly sheshim qabyldaǵan.
Búgin Qaraǵandy oblysy ákiminiń orynbasary Asylbek Dúısebaev salynyp jatqan dene shynyqtyrý-saýyqtyrý keshenine bardy. Ol jerde aýyr atletıka zaly, basketbol, voleıbol men shaǵyn-fýtbolǵa arnalǵan ámbebap sport zaly, 25 metrlik basseın men boks zaly ornalasatyn bolady.
«Nysandy paıdalanýǵa berer kezde jattyqtyrýshylardyń barlyq eskertpeleri men tilekterin esepke alýdy tapsyramyn. Sondaı-aq, barlyq sport zaldarynyń halyqaralyq standarttar men talaptarǵa saı bolýyn júkteımin. Bul jerde túrli deńgeıdegi saıystar ótkiziletin bolady», - dep málimdedi Asylbek Dúısebaev
Sondaı-aq, Dúısebaev qurylys jumystaryn sapaly ári jyldam júrgizýdi tapsyrdy.
Atalmysh nysan «Sport nysandaryn damytý» baǵdarlamasy boıynsha júzege asýda. Onyń qurylys jumystaryna oblystyq jáne qalalyq bıýdjettiń qarjylary kezeń-kezeńimen bólinýde.
Sport kesheniniń ashylýy aǵymdaǵy jyldyń kóktemine josparlanýda. Ótken jyldyń qyrkúıek aıynda qurylys alańyna boksshy Gennadıı Golovkın kelgen edi. Ol qurylysshylarǵa sport keshenine kelýshilerdiń jaǵdaıyn jasaýǵa jáne jattyǵýlaryn oıdaǵydaı ótkizý úshin birqatar talap-tilekterin atap ótti.
