Kóktemde Astanadan tikeleı Samarqandqa ushatyn áýe baǵyty ashylady
ASTANA. KAZINFORM – QR Kólik mınıstrligi kóktemde kezekti halyqaralyq áýe baǵyty iske qosylatynyn habarlady.
El turǵyndary men qonaqtary Qazaqstan astanasynan tikeleı Samarqandqa usha alady. 2025 jylǵy 1 mamyrdan bastap QAZAQ AIR áýe kompanııasy Astanadan Samarqandqa jańa baǵyt ashady. Bul baǵyt Túrkistan arqyly yńǵaıly tranzıtpen júzege asyrylady.
Endi jolaýshylar álemniń eń kóne qalalarynyń birine saıahattaýmen qatar, Qazaqstannyń rýhanı ári tarıhı ortalyǵy Túrkistanda ýaqyt ótkize alady. Astana-Samarqand áýe reısi aptasyna eki ret ár beısenbi jáne jeksenbi oryndalady.
Reıster kestesi kelesideı :
* Beısenbi:
IQ369 Astana 16:15 – Samarqand 20:00
IQ510 Samarqand 21:00 – Astana 01:30
* Jeksenbi:
IQ369 Astana 07:25 – Samarqand 11:00
IQ510 Samarqand 12:00 – Astana 15:30
Sonymen qatar apta saıyn ár beısenbi jáne jeksenbi kúnderi Túrkistan-Samarqand áýe reısi oryndalady.
Beısenbi:
Túrkistan 19:10 – Samarqand 20:00
Samarqand 21:00 – Túrkistan 21:50
Jeksenbi:
Túrkistan 10:10 – Samarqand 11:00
Samarqand 12:00 – Túrkistan 13:00
Qazaqstandyq QAZAQ AIR áýe kompanııasy kanadalyq De-Havilland Dash 8-Q400 ushaqtaryn qoldanady.
Qazaqstandyq áýekompanııalar Grýzııa men Qytaı baǵyttary boıynsha jańa reısterdi iske qosatynyn jazǵan bolatynbyz.