«Kóktem-jaz - 2012» maýsymynda qandaı túster sándi?
ASTANA. 28 naýryz. QazAqparat - 2012 jyldyń kóktem-jaz maýsymynda boıaýdyń alýan ashyq túrin qamtıtyn - jemis qosylǵan balmuzdaqqa uqsaıtyn kıimder sándi bolady.
Krasota.uz áıelderdiń elektrondy jýrnalynyń jazýynsha, qys ishinde barlyǵy jazǵy desert - balmuzdaqty saǵynyp úlgerdi. Tátti taǵamdy dızaınerler de saǵynǵan sekildi, sebebi, olar usynǵan kıimderdiń toptamalarynda jemisti balmuzdaqtyń barlyq túsi kezdesedi.
Dızaınerlerdiń kópshiliginiń usynysy boıynsha, kóktemgi kıim-keshekterdi banan desertiniń tústerimen «táttilendirýge» bolady. Mundaı reńk ásirese kúnge kúıgen denede ádemi kórinedi.
Jasyl tústi unatatyn qyz-kelinshekterge kóktemde «kilegeı qosylǵan kıvı» men «jalbyz shóp (mıata) qosylǵan sútti kokteıl» boıaýlary bar kıimderdi tańdaýǵa bolady.
«Assortı» jaqsy kóresiz be? Dızaınerler bul týraly da oılastyryp qoıdy. Jeńil matalardan tigilgen úsh «tátti» tústegi ıýbkalar men kóılekter júzińizdi asha túsedi.
Shabdaly balmuzdaǵy - deserttiń naqty osy túri kóktem-jaz maýsymy toptamalarynda jıi kezdesedi. Buǵan deıingi reńkterdegi «qatań» stıldi kıim-keshekterdi barlyǵy birdeı kııýge bata bermese, atalmysh tústegi kostıýmderdi keńselerge de batyl kıip barýǵa bolady.
