Kóktem merekesine oraı Qytaıda jolaýshylar sany 10,5%-ǵa artady

ASTANA. KAZINFORM — Qytaıda aı kúntizbesi boıynsha dástúrli qytaı Jańa jyly — Kóktem merekesine oraı toǵyz kúndik demalystyń alǵashqy kúninde óńiraralyq jolaýshylar tasymaly 285 mıllıon sapardan asady dep kútilýde, dep habarlaıdy Xinhua.

Qytaı Halyq Respýblıkasynyń Kólik mınıstrligi jolaýshylar aǵyny ótken jylmen salystyrǵanda 10,5%-ǵa ósedi dep boljap otyr. Tasymaldardyń negizgi bóligi avtomobıl kóligine tıesili bolady: bul kórsetkish 10,8%-ǵa ósip, 268,75 mln jolaýshy.

Temirjol jáne avıatsııa salalarynda da oń dınamıka kútiledi — tıisinshe 4,3% jáne 6,4% ósim boljanyp otyr. Al sý kóligi segmentinde jyldyq esepte eń joǵary ósim — 28,1% bolady.

Bıyl Kóktem merekesi 17 aqpanǵa sáıkes keledi. Resmı demalys toǵyz kúnge sozylady. Alaıda qytaılyq Jańa jylǵa baılanysty el ishindegi jappaı kóshi-qon maýsymy 2 aqpanda bastalyp, 13 naýryzǵa deıin jalǵasady.

Buǵan deıin Qazaqstan Qytaı Jańa jyly qarsańynda Qytaıǵa arnaıy poıyz jibergeni habarlanǵan bolatyn. 

Aıta ketelik búgin Qytaıda jer silkingen edi.