«Kóktem merekesi» ataýymen Shámshi Qaldaıaqovqa arnalǵan kesh ótti

Keshtiń maqsaty - barsha stýdentter men oqýshylardyń tanymdyq jáne rýhanı-adamgershilik bilim alýlaryn qadaǵalaý, «Vals koroli» Shámshi Qaldaıaqovtyń ánderi men olardyń shyǵý tarıhy jaıynda baıandaý. Sonymen qatar, kompozıtordyń ánderine «Vals keshin» uıymdastyrý, Shámshi sazgerligi men onyń ómiri jaıynda oqýshylar men stýdentterge aqparat berý, - deıi uıymdastyrýyshalar.

«Shámshiniń «Ana týraly jyryn» bilmeıtin, estimegen qazaq joq shyǵar. Bul ánderdiń tóresi dese de bolady. Árıne, Shámshi Qaldaıaqov ánderi kez kelgen maqtaý men teńeýge laıyq. Barlyǵymyz bala kúnimizde osy ándi talaı aıtyp, tyńdap óstik. Sazger bul ándi tek óz anasyna ǵana emes, barsha qazaq analaryna arnaǵan dep túsinemiz. Sol sebepti de, biz búgingi keshimizdi Shámshi ánderimen baılanystyryp otyrmyz. Taǵy aıtarym, barsha qyz-kelinshekterdi, apa-ájelerimizdi aldaǵy merekelerińizben quttyqtaımyn. Árqashan júzderińizden kúlki, Otbasylaryńyzdan qýanysh ketpesin» - dedi, «Bóbek» Ulttyq ǵylymı-tájirıbelik, bilim berý jáne saýyqtyrý ortalyǵynyń bas dırektory Tilek Ýálıuly.

Sondaı-aq, kesh barysynda Shámshi Qaldaıaqovtyń «Ana týraly jyr» atty ániniń shyǵý tarıhy jaıynda qoıylym boldy. Sazger ánderi shyrqalyp, ulttyq jáne ózge elderdiń bıleri oryndaldy.