Kóktem elordaǵa naýryzdyń sońynda keledi
ASTANA. 21 aqpan. QazAqparat - Naýryz - kóktemniń alǵashqy aıy. Alaıda, bul aıda elimizdiń soltústiginde qardyń kóbesi sógile qoımaıdy. Kún raıy da kúndiz jibip, túnde qatyp, qubylmaly temperatýra saqtalady. Bıylǵy jyly da naýryz tez jylynaıyn dep turǵan joq. Bul týraly astana.kz saıtyna «Qazgıdromet» RMK-dan málim etti.
Elordada sınoptıkterdiń málimeti boıynsha, naýryz aıy barynsha salqyn bolady. Oǵan basty sebep soltústik-batys antıtsıklonynyń enýi. Aýa temperatýrasy túnde 18 - 23 gradýs aıaz, kúndiz -7-den -12 gradýsqa deıin tómendeıdi.
Alaıda, birinshi onkúndiktiń aıaǵynda ońtústik kaspııden soqqan tsıklon aýa temperatýrasynda aıtarlyqtaı salqyndyq týǵyzady. Osy kezde qar jaýyp, boran turyp, kóktaıǵaq bolýy múmkin. Termometr baǵany túnde 5-10 gradýs kúndiz -2 - +3 gradýs aralyǵynda qubylady.
«Ekinshi onkúndiktiń basy aıazpen bastalyp, úshinshi onkúndiktiń aıaǵyna deıin saqtalady. Kóktem naýryz aıynyń aıaǵynda ǵana óz kúshine enedi», - dep habarlaıdy gıdrometortalyqtyń qyzmetkerleri.
