«Kóktem-2022»: Aqmola oblysynda kóktemgi sý tasqynyna daıyndyq pysyqtaldy
Oqý-jattyǵý barysynda azamattyq qorǵaýdyń aýmaqtyq kishi júıesiniń kóktemgi kezeńniń yqtımal tótenshe jaǵdaılaryna ázirligine tekserý júrgizildi. Óńirdegi mańyzdy máselelerdiń biri kóktemgi sý tasqynyna daıyndyq bolyp tabylady. Aımaqta sý tasqynyna qarsy is-sharalar ótken jyldyń jazynan bastaldy. Qazirgi tańda turǵyn úı aýlalaryndaǵy qardy tazalaý, bógetterdi nyǵaıtý jáne basqa da is-sharalar júrgizilýde.
Oblystyq Tótenshe jaǵdaılar departamentiniń bastyǵy Nurlan Atyǵaevtyń aıtýynsha, Arshaly aýdany oblystyq shtabty ornalastyrý orny bolyp belgilendi.
«Sońǵy jyldary kóktemgi kezeńdegi tótenshe jaǵdaılar osy aýdanda jıi tirkelip otyr. Jibek joly aýylynda azamattyq qorǵaý memlekettik júıesiniń aýmaqtyq kishi júıesiniń tájirıbelik is - qımyldaryn pysyqtaý júrgizilýde», - dedi spıker.
Josparǵa sáıkes, oqý-jattyǵý barysynda eldi mekenderdegi, ǵımarattar men qurylystardyń shatyrlaryndaǵy qar men muzdy tazalaý jumystary, sondaı-aq aryqtardy, arnalardy, avtomobıl jáne temirjol kópirleriniń sý ótkizý qurylystaryn tazalaý jáne seń júrý men tasqyn sýlardy ótkizýge daıyndaý, zardap shekken halyqty ýaqytsha ornalastyrý oryndarynyń (evakýatsııalyq pýnktterdiń) ázirligi pysyqtaldy.
Aıta ketsek, eki kún boıy ótken «Kóktem-2022» respbýlıkalyq oqý-jattyǵýy barysynda oblys boıynsha barlyǵy 14 oblystyq azamattyq qorǵaý qyzmeti, sondaı-aq jeke quramy 308 adam jáne 133 birlik tehnıkasy bar 218 qurylym daıyndyqqa keltirildi.
