«Kóktem-2021» respýblıkalyq komandalyq-shtabtyq oqý-jattyǵýy ótýde
«Azamattyq qorǵaýdyń memlekettik júıesin kóktemgi kezeńdegi TJ-ny joıýǵa daıyndaý, sondaı-aq sý tasqyny qaýpi jaǵdaıynda el halqy men aýmaǵyn qorǵaýdy uıymdastyrý boıynsha basqarýshylyq sheshimderdi pysyqtaý maqsatynda 2021 jylǵy 4-5 naýryz aralyǵynda «Kóktem–2021» respýblıkalyq komandalyq-shtabtyq oqý-jattyǵý ótkizilýde. Oqý-jattyǵýǵa basshylyq Pavlodar qalasynan júzege asyrylady», - dedi Berik Ýálı.
Onyń atap ótýinshe, oqý-jattyǵýǵa ortalyq memlekettik organdardan (respýblıkalyq azamattyq qorǵaý qyzmetteri), jergilikti atqarýshy organdardan (tótenshe jaǵdaılardyń aldyn alý jáne olardy joıý jónindegi komıssııalar), oblystyq, aýdandyq jáne qalalyq azamattyq qorǵaý qyzmetterinen, Tótenshe jaǵdaılar, Іshki ister mınıstrlikteriniń bólimshelerinen, Ulttyq ulannyń áskerı bólimderinen jáne Qorǵanys mınıstrliginiń kelisimi boıynsha jedel toptardy tartý josparlanǵan.
Tótenshe jaǵdaılardy joıý boıynsha transshekaralyq is-sharalardy pysyqtaý aıasynda eldiń shekaralas óńirlerinde Reseı men Ózbekstan Respýblıkasy TJM bólimsheleriniń shtabtyq oıyndaryna qatysý kózdelgen.
Josparǵa sáıkes, osy jyly oqý-jattyǵý jappaı sý tasqynyna qarsy is-sharalardy ótkizý boıynsha uıymdastyrylady. Onyń ishinde eldi mekenderden qardy jáne ǵımarattardyń, sondaı-aq úı janyndaǵy ýchaskelerdiń, ásirese halyqtyń áleýmettik osal toptarynyń shatyrlarynan muzdy shyǵarý; aryqtardy, kanaldardy, avtomobıl jáne temirjol kópirleriniń sý ótkizý qurylystaryn tazalaý jáne seń júrisin jáne tasqyn sýlardy ótkizýge daıyndaý; qorǵanys bógetterin, bógetterdi jáne úıilme qurylystardy nyǵaıtý; zardap shekken halyqty ýaqytsha ornalastyrý oryndarynyń (evakýatsııalyq pýnktterdiń) daıyndyǵyn tekserý biryńǵaı keshendi mindet formatynda ótkiziledi.
«Oqý-jattyǵý barysynda kóktemgi kezeńdegi yqtımal tótenshe jaǵdaılar kezinde, sondaı-aq aldaǵy ýaqytta elimizdiń ortalyq óńirlerinde sý tasqyny jaǵdaıy kúrdelengen jaǵdaıdaǵy QR TJM Respýblıkalyq jedel-qutqarý jasaǵy men áskerı bólimderiniń kúshteri men quraldary toptamasyn jedel kóshirý boıynsha is-qımyldar pysyqtalatyn bolady», - dedi resmı ókil.
Oqý-jattyǵý barysynda azamattyq qorǵaý kúshteri men quraldaryn tótenshe jaǵdaılardy joıý jónindegi sheshimderdi ázirlikke keltirý jáne qabyldaýda «Dabyl-1001» men «Tasqyn-2002» eki negizgi sıgnal boıynsha teorııalyq jáne praktıkalyq is-qımyldar pysyqtalady. Qabyldanǵan aldyn alý sharalary bıylǵy jyldyń kóktemgi kezeńinde tasqyn sýdyń saldaryn barynsha azaıtýǵa jáne keltirilgen zalaldy azaıtýǵa múmkindik beredi.