«Kóktem 2017» respýblıkalyq oqý-jattyǵýy ótkiziledi
ASTANA. QazAqparat - 2017 jylǵy 9-10 naýryz aralyǵynda «2017 jylǵy kóktemgi sý tasqyny kezeńi sharttaryndaǵy tótenshe jaǵdaılardy joıý kezindegi is-qımyldarǵa AQMJ-niń basqarý organdaryn, kúshteri men quraldaryn daıyndaý» taqyrybyndaǵy «Kóktem 2017» respýblıkalyq komandalyq-shtabtyq oqý-jattyǵýy ótedi, dep habarlaıdy TKJ baspasóz qyzmeti.
Oqý-jattyǵýǵa respýblıkalyq azamattyq qorǵaý qyzmetteri - ortalyq atqarýshy organdar, oblystardyń, Astana jáne Almaty qalalarynyń jergilikti atqarýshy organdary - TJ-nyń aldyn alý jáne olardy joıý jónindegi komıssııalar, oblystyq, aýdandyq jáne qalalyq azamattyq qorǵaý qyzmetteri, avarııalyq-qutqarý qyzmetteri men quralymdary qatysady.
Oqý-jattyǵýdy basqarý shtaby Qostanaı qalasynda.
Oqý-jattyǵý kóktemgi sý tasqyny kezindegi bolýy yqtımal tótenshe jaǵdaılardy joıýǵa Azamattyq qorǵaý memlekettik júıesi men halyqtyń ázirligin jáne qabilettiligin arttyrý, azamattyq qorǵaý qyzmetteri men quralymdarynyń kóktem kezeńindegi TJ-ǵa ázirligin tekserý maqsatynda ótkiziledi.
«Kóktem-2017» oqý-jattyǵýy aıasynda jalpy respýblıka boıynsha qaýip-qater jáne tasqyn sý ahýalynyń qolaısyz órshýi sharttaryndaǵy is-qımyldardy pysyqtaý boıynsha taktıkalyq-arnaıy jattyqtyrýlar ótkiziledi. Sonymen qatar dabyl júıesi de iske qosylady.
