Kókte eki jeńil ushaq soqtyǵysyp qaldy
ASTANA. QazAqparat - Shveıtsarııanyń shyǵysynda áýede eki jeńil ushaqtyń bir-birine soǵylyp qalýynan alty adam aýyr jaraqat aldy. Jergilikti ATS aqparattyq agenttiginiń habarlaýynsha, oqıǵa jergilikti ýaqyt boıynsha saǵat 15.00 shamasynda Sankt-Gallen jáne Týrgaý kantondarynyń shekarasynda oryn alǵan.
Sankt-Gallenniń polıtsııa qyzmetkerleri málim etkendeı, ushaqtardyń biri soqtyǵysyp qalǵan soń Sankt-Margareten qalasynyń aýmaǵyna qulaǵan. Onyń bortynda bolǵan tórt adam aýyr kúıde aýrýhanaǵan jetkizildi. Ekinshi ushaqtyń ushqyshy áýe kóligin Zıtterdorf qalasynyń mańyna aman-esen qondyrǵanymen, bul ushaqtaǵy eki adam da aıtarlyqtaı japa shekken, dep habarlaıdy ITAR-TASS.
