Kóktaıǵaqtan qostanaılyq oqýshylar sabaqqa barǵan joq

Qostanaı oblysynda kóktaıǵaqqa baılanysty birqatar mektepte birinshi aýysym oqýshylary qashyqtan bilim alýǵa kóshirildi. Kazinform bul týraly «Qostanaı jańalyqtaryna» silteme jasap habarlaıdy.

Atap aıtqanda, Beıimbet Maılın aýdanyndaǵy 22 mekteptiń 9-y onlaınǵa aýysty. Olar: Asenkrıtov orta mektebi (1-11 synyptar), Maqsut bastaýysh mektebi (1-4 synyptar), E.Omarov atyndaǵy mektep (1-9 synyptar), Nagornyı mektebi (1-9 synyptar), Tobyl mektebi (1-11 synyptar), №1 Tobyl mektebi (1-11 synyptar), №2 Tobyl mektebi (1-11 synyptar), Nıkolaev atyndaǵy mektep (1-4 synyptar), Beregovoe mektebi (1-11 synyptar).

Denısovskıı aýdany: kóktaıǵaqqa baılanysty Pokrovka orta mektebine oqýshylardy avtobýspen jetkizý toqtatyldy.

Qarabalyq aýdany: kóktaıǵaq saldarynan Tselınnoe jáne Kotlovannoe aýyldarynan Sarykól orta mektebine, sondaı-aq Lesnoe aýylynan Mıhaılovskaıa orta mektebine balalardy jetkizý toqtatyldy.

Eske salaıyq, sınoptıkter 26 qarashada kún raıynyń buzylýyna baılanysty birqatar óńirde eskertý jarııalady.