Kóktaıǵaqtan Qaraǵandyda birneshe avtobýs soqtyǵysty
QARAǴANDY. QazAqparat - Qaraǵandyda kýágerler Shahterler dańǵylynda qoǵamdyq kólikterdiń apatqa ushyraýyna qatysty vıdeo jarııalady, dep habarlady QazAqparat.
Áleýmettik jelilerde paıda bolǵan mýzykalyq súıemeldeýi bar vıdeorolık avtory kóktaıǵaq saldarynan bolǵan apatqa kúle qarady. Tipti oǵan keńestik fılmniń óleń shýmaqtaryn da qosyp qoıǵan. Osylaısha, avtor júrgizýshilerge jolda ara qashyqtyqty saqtaý kerektigin meńzedi.
Taqyrypty pikir jazǵandar da ilip áketti. «Jaqsy tirkeme poıyz shyqty», «Ara qashyqtyqty saqtamaı, bir-birin izine tústi», «Avtopark jıyny», - dep jazdy áleýmettik jelilerdiń paıdalanýshylary.
«Tirkeme» dep atalǵan jol-kólik oqıǵasynda birneshe avtobýs bir birine súze toqtaǵan.
«Eki avtobýstyń soqtyǵysýyna qatysty QR ÁQK 610-baby 1-bólimi boıynsha ákimshilik hattama toltyryldy. Bir jolaýshy japa shekti. Ol jeńil jaraqat aldy», - dedi oblystyq ІІD baspasóz qyzmetinen.
Atalǵan bap boıynsha 10 AEK kóleminde aıyppul salý nemese toǵyz aıǵa kólik júrgizý quqyǵynan aıyrý qarastyrylǵan.
