Kóktaıǵaqqa baılanysty Astanadan shyǵatyn barlyq joldar jabyldy - Tótenshe jaǵdaılar mınıstrligi
ASTANA. Qańtardyń 6-sy. QazAqparat - Kóktaıǵaqqa baılanysty Astanadan shyǵatyn barlyq baǵyttaǵy joldar qoǵamdyq kólikterdiń barlyq túrleri úshin jabyldy,
dep habarlady Tótenshe jaǵdaılar mınıstrliginiń baspasóz qyzmetinen.
Habarlamada, «kóktaıǵaqqa baılanysty jol polıtsııasynyń qyzmetkerleri keshe saǵat 10.30-dan bastap, qoǵamdyq kólikterdiń barlyq túrleri úshin Astana qalasynan shyǵatyn barlyq baǵyttaǵy tas joldardy japty», dep atap kórsetilgen.
Osyǵan baılanysty vedomstvo «barlyq avtoáýesqoılardyń qala syrtyna shyqpaýyn» suraıdy.
