Kóktaıǵaqqa baılanysty Aqmola oblysynda birqatar joldar jabyldy
KÓKShETAÝ. QazAqparat - Kóktaıǵaqqa baılanysty Aqmola oblysy aýmaǵyndaǵy respýblıkalyq mańyzdaǵy birqatar avtojoldar jabylyp, kólik qozǵalysy ýaqytsha shekteldi, dep habarlaıdy QazAqparat tilshisi aýmaqtyq TJD silteme jasap.
Vedomstvonyń málimetinshe, 8 qarashada de tańǵy ýaqyt 08:50 aýa raıynyń qolaısyzdyǵyna (kóktaıǵaq) baılanysty Aqmola oblysy aýmaǵyndaǵy respýblıkalyq mańyzy bar birqatar avtojoldar jabylyp, kólik qozǵalysy ýaqytsha shekteldi. Naqtyraq aıtsaq, «Qostanaı - Áýlıekól - Surǵan» (Qostanaı oblysy shekarasyndaǵy – Surǵan kenti) avtojolynyń 232-260 km, «Jezqazǵan – Petropavl» (Surǵan - Buzylyq) avtojolynyń 552-536 km «Jaqsy - Esil – Buzylyq» avtojolynyń 0-82 km.
Sondaı-aq, «QazAvtoJol» AQ málimetinshe, saǵat 09:00 shamasynda kóktaıǵaqqa baılanysty «Astana-Şýchınsk» avtojolynda qoǵamdyq kólikter men júk kólikteriniń júrýine ýaqytsha tyıym salyndy.
