Kóktaıǵaqqa baılanysty Temirtaý mańynda 700-den astam avtokólik jolda qalyp qoıdy

QARAǴANDY. KAZINFORM – Aýa raıy buzylyp, kóktaıǵaqtyń kesirinen Qaraǵandy oblysynda birneshe jol jabyldy. Polıtseıler jolda turyp qalǵan 700-den astam avtokólikti jetelep, alyp júrdi, dep habarlaıdy Kazinform tilshisi.

 Qaraǵandy oblysynda aýa raıynyń qolaısyzdyǵynan bes baǵytta avtojoldar jabyldy.

—23-00-den bastap «QazAvtoJol» UK» AQ derekteri boıynsha aýa-raıynyń nasharlaýyna baılanysty (jańbyr, burqasyn, kóktaıǵaq) Respýblıkalyq mańyzy bar a/j 2 ýchaskesindegi barlyq kólik quraldary úshin «Qaraǵandy-Aıagóz-Buǵaz» (17-217 km, Qaraǵandy — Qarqaraly q.) qozǵalysy jabylady; «Qalqaman — Baıanaýyl — Úmitker — Kerneı — Botaqara» (Pavlodar oblysy shekarasy — Botaqara kenti) baǵytynda jol jabyldy», -dep habarlady Qaraǵandy oblysy TJD baspasóz qyzmeti. 

Sondaı-aq, Qaraǵandydan Balqash pen Astanaǵa deıingi jolda qozǵalys shektelgen.

Polıtsııa qyzmetkerleri Temirtaýdan Aqmola oblysyna deıin 700-den astam avtokólikti jáne 1000-nan astam kólik ertip júrdi.