Kóktaıǵaq, jel, burqasyn – cársenbige arnalǵan aýa raıy
NUR-SULTAN. QazAqparat – Qazgıdromet 22 jeltoqsanǵa arnalǵan aýa raıy boljamyn jarııalady, dep habarlaıdy QazAqparat.
Soltústik-batys tsıklony jáne onymen baılanysqan atmosferalyq fronttar respýblıka aımaǵynyń barlyq bóligine áserin tıgizedi.
Tek soltústik-shyǵys, shyǵys bólikterde ashyq aýa raıy saqtalady. Jaýyn-shashyn qar, jańbyr, soltústik óńirlerde burqasyn kútiledi. Respýblıka boıynsha tuman, kóktaıǵaq bolady, jel kúsheıedi, ońtústiktiń taý asýlarynda qatty jel soǵady.
Túristan oblysynda túnde ońtústik pen soltústikte – shańdy daýyl, batys bóliginde jáne taýly aýdandarda qatty jel soǵyp, keı jerlerde 23-30 m/s jetedi.
Aqmola, Almaty, Qostanaı, oblystarynda tuman, kóktaıǵaq bolyp, jeldiń jyldamdyǵy15-20 m/s jetedi.
Atyraý, Mańǵystaý, Aqtóbe, Qyzylorda oblystarynyń ortalyǵy men soltústik-shyǵysynda tuman, kóktaıǵaq bolady, oblystardyń batysynda jel 15-20 m/s jetedi.
Soltústik Qazaqstan, Qaraǵandy oblystarynda jeldiń 15-23 m/s jetip, oblystardyń batys jartysynda tuman, kóktaıǵaq, burqasyn kútiledi. Batys Qazaqstan, Shyǵys Qazaqstan, Pavlodar oblystarynyń soltústigi men ortalyǵynda tuman túsedi, oblystardyń soltústik-batysy, batysynda qatty jel soǵady.
