Kóktaıǵaq, jel, boran – beısenbige arnalǵan aýa raıy boljamy
NUR-SULTAN. QazAqparat – Qazgıdromet 23 jeltoqsanǵa arnalǵan aýa raıy boljamyn jarııalady, dep habarlaıdy QazAqparat.
QR basym bóliginde burynǵysynsha soltústik-batys tsıklony jáne onymen baılanysqan atmosferalyq fronttar áserin tıgizetin bolady. Respýblıka boıynsha tuman, kóktaıǵaq bolyp, jel kúsheıedi, soltústik-batysta, soltústikte, ortalyqta jaıaý burqasyn soǵady.
Soltústik Qazaqstan oblysynyń soltústiginde, batysynda burqasyn, kóktaıǵaq, jeldiń kúshi túnde 15-20, ekpini 23 m/s jetedi.
Qaraǵandy, Shyǵys Qazaqstan oblystarynda kóktaıǵaq, jaıaý burqasyn, tuman kútiledi.
Qyzylorda oblysynyń soltústigi jáne ortalyǵynda, Jambyl oblysynyń taýly aýdandarynda kóktaıǵaq, tuman túsedi. Jambyl oblysynyń ońtústik-batysynda, soltústik-shyǵysynda jáne taýly aýdandarynda, kúndiz Qyzylorda oblysynyń ortalyǵynda jel 15-23 m/s jyldamdyqpen soǵady.
Aqmola oblysynyń batysynda jáne ońtústiginde jaıaý burqasyn, kóktaıǵaq, tuman kútilip, túnde shyǵysynda, kúndiz ońtústiginde jel 15-20 m/s kúsheıedi.
Atyraý, Mańǵystaý, Aqtóbe, Qostanaı oblystarynyń soltústiginde tuman, kóktaıǵaq kútiledi, jel 15-20 m/s kúsheıedi.
Túnde jáne tańerteń Almaty oblysynyń shyǵysynda jáne ońtústiginde tuman kútiledi, Alakól aýdanynda jel 17-22 m/s jyldamdyqpen soǵady. Túrkistan oblysynyń soltústiginde, batysynda jáne taýly aýdandarynda jeldiń 15-20 m/s kúsheıýi kútiledi.
