Kóktaıǵaq, jaıaý burqasyn: Sınoptıkter 10 óńirde eskertý jarııalady
«Qazgıdromet» RMK 29 qazanda kún raıynyń buzylýyna baılanysty birneshe óńirde eskertý jarııalady, dep habarlaıdy Kazinform.
Atap aıtqanda, Astana qalasynda keı ýaqyttarda kóktaıǵaq kútiledi.
Aqmola oblysynyń batysy men ońtústiginde keı ýaqyttarda qatty jaýyn-shashyn (jańbyr, qar) kútiledi. Kóktaıǵaq boljanady. Oblystyń batysynda, ońtústiginde tuman, soltústiginde jaıaý burqasyn bolady. Shyǵystan, ońtústik-shyǵystan jel soǵyp, ekpini 15-18 m/s jetedi.
Túnde Qaraǵandy oblysynyń soltústigi men ortalyǵynda keı ýaqytta qatty jaýyn-shashyn (jańbyr, qar) jaýady. Túnde jáne tańerteń oblystyń soltústiginde kóktaıǵaq, soltústiginde tuman kútiledi. Ońtústikten, ońtústik-batystan jel soǵyp, ekpini 18 m/s quraıdy.
Manǵystaý oblysynyń batysynda, ońtústigi men soltústiginde tuman kútiledi. Ońtústik-shyǵystan soǵatyn jel soltústik-batysqa aýysyp, ekpini 15-20 m/s artady.
Túnde jáne tańerteń Atyraý oblysynyń batysy men ońtústiginde tuman kútiledi. Ońtústik-batystan, batystan jel soǵyp, ekpini 15-20 m/s quraıdy.
Túnde jáne tańerteń Aqtóbe oblysynyń soltústigi men shyǵysynda tuman boljanady. Ońtústik-batystan, batystan jel soǵady, kúndiz óńirdiń basym bóliginde ekpini 15-20 m/s quraıdy.
Túnde Batys Qazaqstan oblysynyń soltústiginde qatty jańbyr jaýady. Túnde jáne tańerteń óńirdiń soltústigi men shyǵysynda tuman kútiledi. Jel ońtústik-shyǵystan ońtústik-batysqa aýysyp soǵady, ekpini 23 m/s kúsheıýi yqtımal.
Pavlodar oblysynda kóktaıǵaq kútiledi.
Kúndiz Qostanaı oblysynyń batysy men soltústiginde qatty jaýyn-shashyn (jańbyr, qar) bolady. Oblystyń basym bóliginde tuman, kóktaıǵaq, soltústik jartysynda jaıaý burqasyn kútiledi. Ońtústik-shyǵystan, shyǵystan jel soǵady, ekpini 15-20 m/s quraıdy.
Kúndiz Jetisý oblysynyń soltústik-shyǵysynda qatty jańbyr jaýady, taýly aýdandarda qar aralas jańbyr kútiledi. Ońtústik-batystan jel soǵady, Alakól kólderi aýdanynda keı ýaqytta ekpini 23-28 m/s jetedi.
Soltústik Qazaqstan oblysynyń ońtústik-batysynda kóktaıǵaq, jaıaý burqasyn kútiledi. Shyǵystan jel soǵady, kúndiz oblystyń basym bóliginde ekpini 15-20 m/s.
