Kóktaıǵaq, jańbyr, burshaq: Qazgıdromet 18 óńirde kún raıy buzylatynyn eskertti

ASTANA. KAZINFORM – Qazgıdromet mamandary erteń - 5 sáýirde elimizdiń basym bóliginde kún raıy buzylatynyn eskertti.

Blojamǵa qaraǵanda, 5 sáýirde Qostanaı oblysynda túnde jáne tańerteń tuman túsedi. Ońtústik-batystan jel soǵady, túnde jáne tańerteń 15-20, ekpini 23 m/s. 

Jetisý oblysynyń ońtústiginde, taýly aýdandarynda kúndiz qatty jańbyr jaýyp, naızaǵaı oınaıdy, burshaq kútiledi. Ońtústik-batystan jel soǵady, oblystyń soltústiginde, batysynda ekpini 15-20, Alakól aýdanynda keı ýaqyttarda 23-28 m/s deıin.

Túnde Qyzylorda oblysynyń ortalyǵynda shańdy daýyl turady. Jel ońtústik-batystan soǵady, túnde oblystyń ortalyǵynda ekpini 15-20 m/s kútiledi.

5 sáýirde kúndiz Almaty oblysynyń ońtústiginde, batysynda qatty jańbyr, oblystyń taýly aýdandarynda qatty jaýyn-shashyn (jańbyr, qar) túsedi. Oblystyń soltústiginde, ońtústiginde, taýly aýdandarynda keı ýaqytta naızaǵaı oınap, burshaq jaýady. Shyǵystan jel soǵady, oblystyń batysynda, ońtústiginde, taýly aýdandarynda ekpini 15-20, keı ýaqytta 25 m/s deıin.

Almaty qalasynda kúndiz qatty jańbyr jaýyp, naızaǵaı oınaıdy. Shyǵystan jel soǵady, naızaǵaı kezinde ekpini 15-20 m/s. Qonaev q.: 05 sáýirde kúndiz qatty jańbyr, naızaǵaı kútiledi. Shyǵystan jel soǵady, naızaǵaı kezinde ekpini 15-20, keı ýaqytta 25 m/s.

Osy kúni Aqtóbe oblysynda ońtústik-batystan jel soǵady, kúndiz oblystyń batysynda, soltústiginde ekpini 15-20 m/s kútiledi. 

Astana qalasynda túnde jaýyn-shashyn (jańbyr, qar), kóktaıǵaq bolyp, tuman túsedi. Ońtústik-batystan jel soǵady, keı ýaqyttarda ekpini 15-18 m/s.

Túnde Aqmola oblysynyń soltústiginde, ońtústiginde, shyǵysynda jaýyn-shashyn (jańbyr, qar), kóktaıǵaq kútiledi. Túnde jáne tańerteń tuman túsedi. Ońtústik-batystan jel soǵady, túnde oblystyń soltústiginde, ońtústiginde, shyǵysynda ekpini 15-20 m/s, kúndiz 15-20 m/s, oblystyń batysynda, soltústiginde ekpini 25 m/s. 

5 sáýirde túnde Qaraǵandy oblysynyń batysynda, soltústiginde, shyǵysynda kóktaıǵaq bolady. Túnde jáne tańerteń oblystyń batysynda, soltústiginde, shyǵysynda tuman túsedi. Batystan, ońtústik-batystan jel soǵady, túnde oblystyń batysynda, soltústiginde, shyǵysynda ekpini 15-20, keı ýaqyttarda 23 m/s. 

Túnde Ulytaý oblysynyń shyǵysynda kóktaıǵaq kútiledi. Túnde jáne tańerteń oblystyń soltústiginde, shyǵysynda tuman túsedi. Soltústik-batystan soǵatyn jel ońtústik-batysqa aýysady, túnde oblystyń soltústiginde, shyǵysynda ekpini 15-20 m/s.

Al Jambyl oblysynyń taýly aýdandarynda qatty jańbyr jaýady. Oblystyń batysynda, ońtústiginde, shyǵysynda, taýly aýdandarynda naızaǵaı oınap, kúndiz burshaq túsedi. Ońtústik-batystan jel soǵady, oblystyń ońtústik-batysynda, soltústik-shyǵysynda, taýly aýdandarynda 15-20 m/s, ekpini 23-28 m/s kútiledi.

Kúndiz Batys Qazaqstan oblysynyń batysynda naızaǵaı oınaıdy. Jel ońtústik-batystan soǵady, kúndiz ekpini 15-20 m/s.

Soltústik Qazaqstan oblysynda túnde kóktaıǵaq bolady. Túnde jáne tańerteń oblystyń ońtústiginde tuman túsedi. Ońtústik-batystan jel soǵady, túnde oblystyń shyǵysynda, batysynda ekpini 15-20 m/s, kúndiz 15-20, ekpini 23-28 m/s. 

5 sáýirde Túrkistan oblysynyń ońtústiginde, taýly aýdandarynda keı ýaqyttarda qatty jańbyr jaýyp, naızaǵaı oınaıdy. Ońtústik-batystan jel soǵady, oblystyń batysynda, ońtústiginde, taýly aýdandarynda 15-20, túnde ekpini 23- 28 m/s.

Shymkent qalasynda keı ýaqyttarda naızaǵaı oınaıdy. Ońtústik-batystan jel soǵady, ekpini 15-20 m/s.

Túnde Pavlodar oblysynda jaýyn-shashyn (jańbyr, qar), kóktaıǵaq, oblystyń shyǵysynda qatty jaýyn-shashyn (jańbyr, qar) kútiledi. Túnde jáne tańerteń oblystyń batysynda, soltústiginde, ońtústiginde tuman túsedi. Soltústik-batystan soǵatyn jel ońtústik-batysqa aýysady, ekpini 15-20 m/s. Aýa temperatýrasy túnde -2 gradýsqa deıin tómendeıdi.

Abaı oblysynda túnde jaýyn-shashyn (jańbyr, qar), oblystyń soltústiginde qatty jaýyn-shashyn (jańbyr, qar), kúndiz oblystyń soltústiginde, shyǵysynda jaýyn-shashyn (jańbyr, qar) kútiledi. Túnde oblystyń batysynda kóktaıǵaq bolady. Túnde jáne tańerteń oblystyń batysynda, ońtústiginde tuman túsedi. Batystan, ońtústik-batystan jel soǵady, túnde 15-20 m/s, oblystyń soltústiginde, shyǵysynda ekpini 23-28 m/s.

Aýa temperatýrasy 6 sáýirde túnde 0-5 gradýs aıazǵa deıin tómendeıdi.

5 sáýirde Shyǵys Qazaqstan oblysynda túnde jaýyn-shashyn (jańbyr, qar), oblystyń soltústiginde, shyǵysynda qatty jaýyn-shashyn (jańbyr, qar), kúndiz soltústiginde, shyǵysynda jaýyn-shashyn, keı ýaqyttarda qatty jaýyn-shashyn (jańbyr, qar) kútiledi. Túnde oblystyń batysynda kóktaıǵaq bolady. Túnde jáne tańerteń oblystyń batysynda, ońtústiginde tuman túsedi. Batystan, ońtústik-batystan jel soǵady, túnde 15-20 m/s, oblystyń soltústiginde, shyǵysynda ekpini 23-28 m/s, kúndiz oblystyń soltústiginde, shyǵysynda jeldiń kúshi 15-20 m/s.

Aýa temperatýrasy 6 sáýirde túnde 0-5, oblystyń shyǵysynda 8 gradýs aıazǵa deıin tómendeıdi.