Kóktaıǵaq, tuman, jel – seısenbige arnalǵan aýa raıy boljamy
NUR-SULTAN. QazAqparat – Seısenbi kúni elimizdiń basym bóliginde kún raıy ashyq bolady, dep habarlaıdy QazAqparat Qazgıdrometke silteme jasap.
Antıtsıklon shoǵyryna baılanysty elimizdiń basym bóliginde jaýyn-shashynsyz aýa raıy kútiledi, tek soltústik-batys jáne shyǵys óńirde qar jáne jańbyr jaýady. Keı jerlerde jel kúsheıedi, kóktaıǵaq bolady, tuman túsedi, tek shyǵysta jaıaý burqasyn soǵýy yqtımal.
Aqmola, Qostanaı, Solústik Qazaqstan oblystarynyń keı jerlerinde tuman, kóktaıǵaq kútiledi, jel 15-20 m/s kúsheıedi.
Shyǵys Qazaqstan oblysynyń keı jerlerinde jaıaý burqasyn, tuman, kóktaıǵaq kútiledi, kúndiz jel 15-20 m/s kúsheıedi.
Jambyl, Mańǵystaý, Pavlodar oblystarynyń keı jerlerinde tuman, Túrkistan, kúndiz Jambyl, Pavlodar, Qaraǵandy, túnde Mańǵystaý oblystarynyń keı jerlerinde jel 15-20 m/s kúsheıedi.
Almaty, Qyzylorda, Atyraý, Batys Qazaqstan, Aqtóbe oblystarynyń keı jerlerinde tuman kútiledi.
