Kóktaıǵaq, tuman, jel: 11 oblysta aýa raıyna baılanysty eskertý jarııalandy

ASTANA. KAZINFORM – «Qazgıdromet» RMK-sy 11 oblysta aýa raıyna baılanysty eskertý jarııalady.

Kásiporynnyń boljamyna qaraǵanda, 4 aqpanda Jetisý oblysynda soltústik-shyǵystan jel soǵady, Alakól kólderi aýdandarynda ekpini 15-20, kúndiz keı ýaqyttarda 23-28 m/s. Túnde oblystyń ortalyǵynda, taýly aýdandarynda 25 gradýs aıaz bolady.

Batys Qazaqstan oblysynyń soltústiginde, batysynda, ońtústiginde tuman túsip, kóktaıǵaq bolady.

Qaraǵandy oblysynyń soltústiginde keı ýaqytta tuman túsedi. Shyǵystan jel soǵady, oblystyń ońtústik jartysynda ekpini 15-20 m/s-ke jetedi.

Ulytaý oblysynda soltústik-shyǵystan jel soǵady, oblystyń batysynda, soltústiginde, ońtústiginde ekpini 15-20 m/s.

Pavlodar oblysynyń batysynda, ońtústiginde, shyǵysynda tuman túsedi.

Túrkistan oblysynyń batysynda, ońtústiginde, taýly jáne taý bókterli aýdandarynda tuman túsedi. Ońtústik-shyǵystan jel soǵady, oblystyń taý asýlarynda jeldiń kúshi 15-20 m/s.

Abaı oblysynyń ońtústiginde, ortalyǵynda jaıaý burqasyn soǵay. Oblystyń batysynda, soltústiginde, ońtústiginde tuman túsedi. Jel soltústik-shyǵystan soǵady, oblystyń ońtústiginde, ortalyǵynda jyldamdyǵy 15-20 m/s.

Soltústik Qazaqstan oblysynyń ońtústiginde, soltústiginde, shyǵysynda tuman túsedi.

4 aqpanda túnde jáne tanerteń Aqtóbe oblysynyń soltústiginde, shyǵysynda tuman túsedi. Shyǵystan, soltústik-shyǵystan jel soǵady, kúndiz Mýǵaljar aýdanynda jeldiń ekpini 15-18 m/s-ke jetedi.

Atyraý oblysynyń batysynda, soltústiginde azdaǵan jaýyn-shashyn (qar, jańbyr) jaýyp, kóktaıǵaq bolady. Túnde jáne tańerteń oblystyń batysynda, ońtústiginde tuman túsedi.

4 aqpanda Qyzylorda oblysynda jel shyǵystan soǵady, kúndiz oblystyń soltústiginde, ortalyǵynda ekpini 15-20 m/s.

Osyǵan deıin kúnniń buzylýyna baılanysty birneshe oblysta jol jabylǵany týraly jazdyq.