Kóktaıǵaq, tuman: ShQO-da kólik júrgizýshilerine eskertý jasaldy

Shyǵys Qazaqstan oblysynyń birneshe aýdanynda qar jaýdy. Kóktaıǵaq pen tumannyń saldarynan júrgizýshilerge tasjolda barynsha abaı bolý usynyldy, dep habarlaıdy QazAqparat tilshisi.

Kesheli beri oblystyń birneshe aýdanyndaǵy taýly jerlerde qar jaýǵan.

«Qazgıdromet» RMK málimetine súıensek, bul óńirdegi alǵashqy qar emes. Ótken tamyz aıynyń ortasynda Katonqaraǵaı aýdanyndaǵy Altaı taýynyń eń bıik núktesi Muztaý shyńyna qar túsken bolatyn.  Osy rette, ShQO Polıtsııa departamenti alys jolǵa shyǵaıyn dep jatqan kólik júrgizýshilerine eskertý jasady.

«Oblys jurtshylyǵyn aýa raıynyń nasharlaýyna, naqty aıtqanda joldyń durys kórinbeýine, tuman men kóktaıǵaqqa baılanysty tasjoldarda barynsha abaı bolýǵa shaqyramyz. Qaýipsiz jyldamdyqty saqtaýlaryńyzdy jáne QR Jol júrisi qaǵıdalarynyń talaptaryn buzbaýlaryńyzdy suraımyz», - dep habarlady departamenttiń baspasóz qyzmetinen.