Kóktaıǵaq, tuman, burqasyn: Juma kúngi aýa raıy
NUR-SULTAN. QazAqparat – 24 jeltoqsanda soltústik-batys tsıklony jáne onymen baılanysty atmosferalyq fronttar respýblıka aýmaǵynyń barlyq bóligine yqpalyn tıgizedi, soǵan baılanysty qar jaýady. Ońtústik óńirlerde jaýyn-shashyn jańbyr jáne qar túrinde bolady. Eldiń tek batysynda jaýyn-shashynsyz aýa raıy boljanady. Sondaı-aq respýblıka boıynsha tuman, kóktaıǵaq, ekpindi jel kútiledi. Soltústik-batysta, soltústikte, shyǵysta jáne ortalyqta jaıaý burqasyn júredi, dep habarlaıdy QazAqparat.
Atap aıtqanda, «Qazgıdromet» RMK málimetinshe, Soltústik Qazaqstan oblysynyń ońtústiginde, soltústiginde jáne shyǵysynda burqasyn, kóktaıǵaq, 15-20 m/s ekpindegi jel kútiledi. Óńirdiń ońtústigi men shyǵysynda jeldiń kúshi 23-28 m/s artady.
Pavlodar oblysynyń batysynda – burqasyn men kóktaıǵaq, óńirdiń soltústigi men batysynda 15-20 m/s ekpindegi jel boljanady.
Qaraǵandy oblysynyń ońtústiginde – tuman, túnde soltústigi men ortalyǵynda – jaıaý burqasyn, kóktaıǵaq, soltústigi men shyǵysynda 15-20 m/s ekpinde jel kútiledi.
Shyǵys Qazaqstan oblysynyń soltústik-batysynda, batysynda – jaıaý burqasyn, kóktaıǵaq, óńirdiń batysy men ońtústiginde – tuman, túnde batysy men ortalyǵynda 15-20 m/s ekpinde jel bolady.
Jambyl oblysynyń soltústigi men taýly aýdandarynda kóktaıǵaq, tuman kútiledi. Kúndiz óńirdiń batysynda, soltústik-shyǵysynda 15-20 m/s ekpinde jel turady.
Aqmola oblysynyń soltústigi men ońtústik-shyǵysynda – jaıaý burqasyn, tuman, soltústigi men shyǵysynda 15-20 m/s jyldamdyqta jel kútiledi.
Túnde Atyraý oblysynyń ońtústigin tuman basady.
Mańǵystaý oblysynyń ońtústiginde kóktaıǵaq boljanady.
Qostanaı oblysynyń ońtústiginde – tuman, túnde oblystyń soltústigi men shyǵysynda – jaıaý burqasyn, soltústiginde 15-20 m/s ekpinde kútiledi.
Almaty oblysynyń Alakól mańynda 17-22 m/s jyldamdyqta jel turady.
Túrkistan oblysynyń batysynda jáne taýly aýdandarynda tuman bolady, taýly asýlarynda 15-20 m/s kúshpen jel soǵady.
