Kóktaıǵaq, tuman, burqasyn. 16 oblys pen 10 qala turǵyndaryna eskertý jasaldy

ASTANA. KAZINFORM — 11 aqpanda elimizdiń basym bóligin tuman basyp, kóktaıǵaq bolady, dep habarlaıdy «Qazgıdromet» RMK.

Astana qalasynda túnde jáne tańerteń tuman kútiledi.

Túnde jáne tańerteń Ulytaý oblysynyń soltústiginde tuman kútiledi.

Kúndiz Qaraǵandy oblysynyń shyǵysynda joldarda kóktaıǵaq kútiledi. Túnde jáne tańerteń oblystyń batysynda, soltústiginde tuman. Al Qaraǵandy qalasynda túnde jáne tańerteń tuman kútiledi.

Jetisý oblysynda soltústik-shyǵystan jel soǵady, kúndiz Alakól kólderi aýdanynda ekpini 15-20 m/s deıin jetedi.

Túnde jáne tańerteń Atyraý oblysynyń batysynda, soltústiginde tuman kútiledi.

Túnde Túrkistan oblysynyń taýlarynda qalyń qar kútiledi. Oblystyń batysynda, ońtústiginde, taýly jáne taý bókterli aýdandarynda jaýyn-shashyn (jańbyr, qar), tuman, kóktaıǵaq bolady. Ońtústik-shyǵystan ońtústik-batysqa aýysatyn jel soǵady, túnde jáne tańerteń oblystyń soltústiginde, taýly aýdandarynda kúshi 15-20 m/s. deıin jetedi. Shymkent qalasynda 11 aqpanda keı ýaqytta jaýyn-shashyn (jańbyr, qar), tuman, kóktaıǵaq kútiledi. Sonymen qatar Túrkistan qalasynda 11 aqpanda keı ýaqyttarda jaýyn-shashyn (jańbyr, qar), tuman, kóktaıǵaq kútiledi.

Kúndiz Mańǵystaý oblysynyń batysynda, ońtústiginde, ortalyǵynda kóktaıǵaq kútiledi.

Qyzylorda oblysynyń ortalyǵynda, soltústiginde, ońtústiginde tuman kútiledi. Soltústik-shyǵystan soqqan jel ońtústik-batysqa aýysady, oblystyń ortalyǵynda túnde 15-20 m/s kútiledi.

Túnde jáne tańerteń Batys Qazaqstan oblysynyń batysynda, soltústiginde, ońtústiginde tuman kútiledi.

Kúndiz Almaty oblysynyń shyǵysynda shyǵystan jel soǵady, ekpini 15-20 m/s deıin barady. 11-13 aqpanda Almaty oblysynnyń ońtústiginde, taýly aýdandarynda keı ýaqytta tuman, joldarda kóktaıǵaq kútiledi. Almaty qalasynda 11 aqpanda túnde jáne tańerteń, 12-13 aqpanda keı ýaqytta tuman kútiledi. Joldarda kóktaıǵaq. Budan bólek Qonaev qalasynda 11-13 aqpanda túnde jáne tańerteń tuman, joldarda kóktaıǵaq kútiledi.

Túnde jáne tańerteń Aqtóbe oblysynyń soltústiginde, shyǵysynda tuman kútiledi.

Soltústik Qazaqstan oblysynyń batysynda, ońtústiginde tuman kútiledi. Ońtústik-batystan, batystan jel soǵady, túnde oblystyń soltústiginde, shyǵysynda, ońtústiginde ekpini 15-20 m/s jetedi. Kúndiz 15-20, oblystyń ońtústiginde, shyǵysynda ekpini 23 m/s barýy múmkin. Al Petropavl qalasynda 11 aqpanda ońtústik-batystan, batystan jel soǵady, kúshi 15-20 m/s kútiledi.

Túnde Pavlodar oblysynyń soltústiginde, shyǵysynda jaıaý burqasyn bolady. Kúndiz joldarda kóktaıǵaq kútiledi. Oblystyń ońtústiginde tuman kútiledi. Ońtústik-batystan jel soǵady, oblystyń batysynda, soltústiginde, shyǵysynda ekpini 15-20 m/s kútiledi. Sondaı-aq, Pavlodar qalasynda 11 aqpanda kúndiz joldarda kóktaıǵaq kútiledi.

Abaı oblysynyń soltústiginde, ortalyǵynda jaıaý burqasyn kútiledi. Jel ońtústikten, ońtústik-batystan soǵady, oblystyń soltústiginde, ortalyǵynda 15-20 m/s, Jarma aýdanynda ekpini 25 m/s deıin jetedi.

Aqmola oblysynyń soltústiginde, ońtústiginde, shyǵysynda jaıaý burqasyn kútiledi. Oblystyń batysynda, ońtústiginde, shyǵysynda tuman kútiledi. Ońtústik-batystan jel soǵady, oblystyń soltústiginde, shyǵysynda ekpini 15-20 m/s kútiledi.

Qostanaı oblysynyń batysynda, soltústiginde, shyǵysynda tuman kútiledi. Al Qostanaı qalasynda 11 aqpanda tuman kútiledi.

Kúndiz Jambyl oblysynyń taýly aýdandarynda qar, jaıaý burqasyn kútiledi. Oblystyń batysynda, ońtústiginde, taýly aýdandarynda tuman kútiledi. Soltústik-shyǵystan jel soǵady, oblystyń ońtústik-batysynda, soltústik-shyǵysynda, taýly aýdandarynda 15-20 m/s, túnde ekpini 25 m/s kútiledi. Taraz qalasynda keı ýaqytta tuman kútiledi.

Eske salsaq, osyǵan deıin aýa raıyna baılanysty eki oblysta kólik qozǵalysy shektelgenin jazǵan edik.