Kóktaıǵaq, tuman, boran: Qazaqstannyń 14 óńiri men Astanada eskertý jarııalandy
ASTANA. KAZINFORM - Qazaqstannyń 14 oblysynda jáne Astana qalasynda aýa raıyna baılanysty eskertý jarııalandy. Bul týraly «Qazgıdromet» RMK-si habarlady.
7 qańtar kúni Aqmola oblysynyń soltústigi, ońtústigi jáne shyǵysynda azdaǵan qar jaýyp, boran soǵady. Joldarda kóktaıǵaq bolady. Batystan soǵatyn jeldiń ekpini 15–20 m/s, túnde oblystyń shyǵysynda 23–28 m/s-qa deıin kúsheıýi múmkin.
Astanada 7 qańtar kúni azdaǵan qar jaýyp, jaıaý burqasyn soǵady. Joldarda kóktaıǵaq saqtalady.
Pavlodar oblysynyń ońtústigi men shyǵysynda qar jaýyp, boran soǵady. Ońtústik-batystan soǵatyn jeldiń jyldamdyǵy 15–20 m/s, túnde ekpini 23–28 m/s-qa jetedi.
Soltústik Qazaqstan oblysynyń soltústigi, shyǵysy men ońtústiginde jaıaý burqasyn soǵady. Jeldiń ekpini 15–20 m/s.
Túrkistan oblysynyń batysy men ońtústiginde, taýly aýdandarynda tuman túsedi. Taýly asýlarda soltústik-shyǵystan soǵatyn jel 15–20 m/s-qa deıin kúsheıýi múmkin.
Atyraý oblysynyń batysy, ońtústigi jáne shyǵysynda tuman men kóktaıǵaq boljanady. Kúndiz jeldiń ekpini 15–20 m/s-qa jetedi.
Aqtóbe oblysynyń soltústigi, shyǵysy jáne ońtústiginde tuman kútiledi.
Batys Qazaqstan oblysynyń soltústik-batysynda azdaǵan qar jaýyp, jaıaý burqasyn bolady. Oblystyń batysy, soltústigi men shyǵysynda tuman túsip, kóktaıǵaq bolady. Jeldiń ekpini 15–20 m/s.
Mańǵystaý oblysynyń soltústigi men ortalyǵynda túnde jáne tańerteń tuman túsedi. Kúndiz oblystyń ońtústik-batysynda jel 15–20 m/s-qa deıin kúsheıedi.
Abaı oblysynyń batysy, soltústigi jáne ortalyǵynda qar jaýyp, boran soǵady, kóktaıǵaq bolady, shyǵysy men ońtústiginde tuman bolady. Jeldiń ekpini túnde 23–28 m/s-qa deıin jetýi múmkin.
Shyǵys Qazaqstan oblysynyń batysy, soltústigi jáne shyǵysynda qar men boran boljanady, keı jerlerde qalyń qar jaýady, ońtústigi men ortalyǵynda tuman túsedi. Jeldiń ekpini túnde 23–28 m/s-qa deıin kúsheıedi.
Ulytaý oblysynyń shyǵysynda túnde azdaǵan qar jaýyp, jaıaý burqasyn bolady. Oblystyń soltústigi, shyǵysy jáne ortalyǵynda tuman túsedi. Jeldiń ekpini 15–20 m/s.
Qaraǵandy oblysynyń soltústigi men shyǵysynda túnde qar jaýyp, boran soǵady. Batysy, soltústigi jáne ońtústiginde tuman túsedi. Jel keı ýaqytta 23 m/s-qa deıin kúsheıedi.
Qyzylorda oblysynyń ortalyǵynda, soltústigi men ońtústiginde tuman boljanady.
Osyǵan deıin 7 qańtarda aýa raıy qandaı bolatyny týraly jazdyq.
