Kóktaıǵaq, tuman, boran: Astanada jáne 17 óńirde kún raıy nasharlaıdy

ASTANA. KAZINFORM — 16 jeltoqsan kúni elorda jáne elimizdiń 17 oblysynyń turǵyndaryna aýa raıynyń buzylýyna baılanysty eskertý jarııalandy, dep habarlaıdy Kazinform agenttigi «Qazgıdromet» RMK-ǵa silteme jasap.

Atyraý oblysynyń batysynda, ońtústiginde, shyǵysynda tuman kútiledi.

Almaty oblysynyń ońtústiginde, taýly aýdandarynda túnde jáne tańerteń kóktaıǵaq bolady. Oblystyń soltústiginde, ońtústiginde, taýly aýdandarynda tuman túsedi. Soltústik-batystan jel soǵady, oblystyń soltústiginde, ońtústiginde ekpini 15-20 m/s jetedi. Almatyda túnde jáne tańerteń tuman basyp, kóktaıǵaq kútiledi. Al Qonaevta túnde jáne tańerteń tuman basyp, kóktaıǵaq kútiledi. Soltústik-batystan jel soǵady, kúndiz ekpini 15-20 m/s.

Túrkistan oblysynyń ońtústiginde, taýly aýdandarynda túnde, oblystyń taýly aýdandarynda kúndiz qar kútiledi. Oblystyń ońtústiginde, taýly aýdandarynda jaıaý burqasyn, kóktaıǵaq bolady. Oblystyń ońtústiginde, batysynda, taýly aýdandarynda tuman túsedi. Soltústik-shyǵystan jel soǵady, oblystyń soltústiginde, taýly aýdandarynda 15-20 m/s jetedi. Shymkentte kúnniń sońynda kóktaıǵaq kútiledi. Keı ýaqytta tuman basady. Túrkistanda keı ýaqytta tuman túsedi.

Jetisý oblysynyń taýly aýdandarynda qar, jaıaý burqasyn kútiledi. Oblystyń soltústiginde, ortalyǵynda, taýly aýdandarynda túnde jáne tańerteń tuman túsip, kóktaıǵaq bolady. Soltústik-batystan jel soǵady, oblystyń shyǵysynda, taýly aýdandarynda ekpini 15-20 m/s jetedi. Taldyqorǵanda túnde jáne tańerteń tuman kútiledi.

Ulytaý oblysynyń soltústiginde, shyǵysynda, ortalyǵynda qar jaýyp, burqasyn kútiledi. Ońtústik-batystan jel soǵady, oblystyń soltústiginde, shyǵysynda, ortalyǵynda ekpini 15-20 m/s jetedi. Al Jezqazǵanda túnde jáne tańerteń qar, jaıaý burqasyn bolady. Ońtústik-batystan jel soǵady, túnde jáne tańerteń ekpini 15-20 m/s jetýi yqtımal.

Qyzylorda oblysynyń soltústiginde, ońtústiginde, ortalyǵynda azdaǵan jaýyn-shashyn (kóbine qar) jaýyp, kóktaıǵaq kútiledi. Oblystyń soltústiginde túnde burqasyn bolady. Jel ońtústik-batystan, batystan soǵady, túnde oblystyń soltústiginde 15-20 m/s jetedi. Qyzylordada túnde kóktaıǵaq bolady.

Qaraǵandy oblysynyń batysynda, soltústiginde, shyǵysynda qar jaýyp, burqasyn kútiledi. Ońtústik-batystan jel soǵady, oblystyń batysynda, soltústiginde, shyǵysynda ekpini 15-20, túnde oblystyń soltústiginde keı ýaqytta 23 m/s deıin jetýi múmkin. Qaraǵandyda keı ýaqytta qar jaýyp, burqasyn bolady. Ońtústik-batystan jel soǵady, ekpini 15-20 m/s.

Aqtóbe oblysynyń soltústiginde, shyǵysynda qar jaýyp, jaıaý burqasyn kútiledi. Ońtústik-batystan, batystan jel soǵady, oblystyń soltústiginde, shyǵysynda ekpini 15-20 m/s deıin baraly.

Qostanaı oblysynda da qar jaýyp, burqasyn bolady. Ońtústik-batystan, batystan jel soǵady, kúshi 15-20 m/s, oblystyń batysynda, shyǵysynda, ońtústiginde ekpini 23-28 m/s deıin jetedi. Qostanaıda túnde jáne tańerteń qar jaýyp, jaıaý burqasyn kútiledi. Ońtústik-batystan, batystan jel soǵady, kúshi 15-20 m/s deıin barady.

Abaı oblysynyń ońtústiginde túnde qar, jaıaý burqasyn bolady, kúndiz oblystyń batysynda, soltústiginde, shyǵysynda qar, jaıaý burqasyn kútiledi. Oblystyń ońtústiginde tuman túsedi. Jel ońtústikten, ońtústik-batystan soǵady, oblystyń batysynda, soltústiginde, ortalyǵynda 15-20, kúndiz ekpini 25 m/s deıin barady. Semeıde jel ońtústikten, ońtústik-batystan soǵady, tańerteń jáne kúndiz ekpini 15-18 m/s deıin jetedi.

Shyǵys Qazaqstan oblysynyń soltústiginde, shyǵysynda, ońtústiginde túnde qar jaýyp, jaıaý burqasyn bolady, kúndiz oblystyń batysynda, soltústiginde, shyǵysynda qar, jaıaý burqasyn kútiledi. Oblystyń ońtústiginde tuman túsedi. Jel ońtústik-shyǵystan, ońtústikten soǵady, oblystyń soltústiginde, shyǵysynda 15-20, kúndiz ekpini 23 m/s deıin barýy yqtımal.

Pavlodar oblysynyń batysynda, soltústiginde túnde jáne kúndiz qar jaýyp, jaıaý burqasyn bolady. Ońtústik-batystan jel soǵady, oblystyń batysynda, ońtústiginde, ortalyǵynda ekpini 15-20 m/s deıin jetedi. Pavlodarda kúndiz qar, jaıaý burqasyn kútiledi. Ońtústik-batystan jel soǵady, ekpini 15-20 m/s deıin jetedi.

Mańǵystaý oblysynyń batysynda, soltústik-shyǵysynda, ortalyǵynda tuman túsip, kóktaıǵaq kútiledi. Aqtaýda túnde tumandy bolady jáne kóktaıǵaq kútiledi.

Batys Qazaqstan oblysynyń shyǵysynda, soltústik-shyǵysynda qar, jaıaý burqasyn bolady. Jel soltústik-batystan, batystan soǵady, túnde oblystyń soltústiginde, shyǵysynda ekpini 15-20 m/s deıin artady.

Soltústik Qazaqstan oblysynda qar, burqasyn kútiledi. Ońtústik-batystan, batystan jel soǵady, kúshi 15-20, oblystyń batysynda, soltústiginde, ońtústiginde ekpini 23-28 m/s deıin barady. Petropavlda qar, burqasyn bolady. Ońtústik-batystan, batystan jel soǵady, kúshi 15-20, túnde ekpini 25 m/s deıin kúsheıedi.

Jambyl oblysynyń taýly aýdandarynda kúndiz qar, jaıaý burqasyn kútiledi. Keı ýaqytta tuman túsip, kóktaıǵaq bolady. Ońtústik-batystan jel soǵady, túnde oblystyń ońtústik-batysynda, taýly aýdandarynda, kúndiz oblystyń taýly aýdandarynda 15-20 m/s deıin jetedi. Tarazda keı ýaqytta tuman túsip, kóktaıǵaq bolady.

Aqmola oblysynda qar jaýyp, burqasyn bolady, al joldarda kóktaıǵaq kútiledi. Ońtústik-batystan jel soǵady, kúshi 15-20 m/s, oblystyń batysynda, soltústiginde, shyǵysynda ekpini 23-28 m/s deıin kúsheıedi. Kókshetaýda qar jaýyp, burqasyn bolady, joldarda kóktaıǵaq kútiledi. Ońtústik-batystan jel soǵady, kúshi 15-20 m/s.

Astanada qar jaýyp, burqasyn bolady, joldarda kóktaıǵaq kútiledi. Ońtústik-batystan 15-20 m/s jel soǵady, ekpini 25 m/s deıin artady.

Budan buryn aýa raıy saldarynan Aqtóbede jolda qalǵan sheteldikter jylytý pýnktine jetkizilgenin jazǵan edik.