Kóktaıǵaq, tuman: 8 óńirde eskertý jarııalandy

ASTANA. QazAqparat – «Qazgıdromet» RMK 30 qyrkúıekte aýa raıynyń buzylýyna baılanysty birneshe óńirde eskertý jarııalady, dep habarlaıdy QazAqparat.

Atap aıtqanda, Shyǵys Qazaqstan oblysynyń soltústiginde, shyǵysynda tuman kútiledi. Joldarda kóktaıǵaq bolady. Jel soltústik-batystan, soltústikten soǵady, oblystyń batysynda, ortalyǵynda, ońtústiginde ekpini 15-20 m/s artady.

Túnde Abaı oblysynyń soltústiginde tuman boljanady. Joldarda kóktaıǵaq bolady. Jel soltústik-batystan, soltústikten soǵady, óńirdiń batysynda, ortalyǵynda, ońtústiginde kúshi 15-20 m/s jetedi.

Qyzylorda oblysynda jel soltústik-shyǵystan, shyǵystan soǵady, óńirdiń ortalyǵynda kúshi 15-20 m/s artýy yqtımal. Tótenshe órt qaýpi saqtalady.

Túrkistan oblysynyń soltústiginde, batysynda shańdy daýyl turady. Shyǵystan jel soǵady. Kúndiz taý asýlarynda ekpini 25 m/s kúsheıedi. Oblystyń basym bóliginde tótenshe órt qaýpi saqtalady.

Túnde Jetisý oblysynyń taýly aýdandaryna tuman túsedi. Soltústik-shyǵystan jel soǵady, shyǵysta ekpini 25 m/s artady.

Túnde Pavlodar oblysynyń soltústiginde, batysynda tuman kútiledi.

Qostanaı oblysynyń batysynda kóktaıǵaq bolady. Óńirdiń soltústiginde tuman boljanady. Ońtústik-shyǵystan jel soǵady, kúndiz oblystyń batysynda ekpini 15-20 m/s jetedi.

Soltústik Qazaqstan oblysynyń soltústiginde, batysynda, ońtústiginde tuman kútiledi.

Ashyq kózderden alynǵan foto